RSS Generator 2.1.1 http://www.rssboard.org/rss-specification mangalam.com http://www.mangalam.com/.html News en-US /loading-logo.jpg <link>http://www.mangalam.com/</link> <width>88</width> <height>31</height> <description>mangalam newspaper </description> </image> <item> <title>കേരളം പോളിങ്ങ് ബുത്തിലേക്ക്: രാവിലെ മുതല്‍ ബുത്തുകളില്‍ നീണ്ട നിര; വോട്ടുചെയ്ത് പ്രമുഖരും <p>കോഴിക്കോട്: മൂന്നാംഘട്ട ലോക്‌സഭാ തിരഞ്ഞെടുപ്പിന്റെ വോട്ടെടുപ്പ് ഇന്ന് ആരംഭിച്ചു. രാവിലെ ഏഴ് മണിക്കാണ് വോട്ടെടുപ്പ് തുടങ്ങിയത്. പ്രമുഖരെല്ലാം വോട്ട് രേഖപ്പെടുത്താന്‍ രാവിലെ തന്നെ എത്തി. മുഖ്യമന്ത്രി പിണറായി വിജയന്‍ പിണറായിയിലെ ബുത്തില്‍ എത്തി. എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍ ചങ്ങാശേരിയിലും എന്‍.കെ പ്രേമചന്ദ്രന്‍ കൊല്ലത്തും മോഹന്‍ലാല്‍ തിരുവനന്തപുരം നേമത്തുള്ള മുടവന്‍ മൂടിലെ നിന്നും വോട്ട് രേഖപ്പെടുത്തി. ഇന്നസെന്റ് തൃശ്ശൂരില്‍ വോട്ട് രേഖപ്പെടുത്തി. </p> <p>പലയിടത്തും വോട്ടിങ്ങ് യന്ത്രങ്ങള്‍ക്ക് തകരാറുകള്‍ ഉണ്ട്. ബിഷപ്പ് മാര്‍ ജോര്‍ജ്ജ് ആലഞ്ചേരി വോട്ട് രേഖപ്പെടുത്താന്‍ എത്തിയ ബൂത്തില്‍ വോട്ടിങ് യന്ത്രത്തില്‍ തകരാറ് ഉണ്ടായി. തുടര്‍ന്ന് ഏറെ നേരം കാത്തുനില്‍ക്കേണ്ടി വന്നു. </p> <p>വോട്ടെടുപ്പ് തുടങ്ങുന്നതിന് അരമണിക്കൂര്‍ മുന്നേ തന്നെ മണ്ഡലത്തിലെ കൊടപ്പനക്കല്‍ തറവാട്ടില്‍ നിന്നും പാണക്കാട് ഹൈദരാലി ശിഹാബ് തങ്ങള്‍ എത്തി. വരിയില്‍ ആദ്യ വോട്ട് തന്നെ രേഖപ്പെടുത്തുകയും ചെയ്തു.</p> <p>ഏറ്റവും വലിയ 117 മണ്ഡലങ്ങളിലാണ് വോട്ടെടുപ്പ് നടക്കുന്നത്. 13 സംസ്ഥാനങ്ങളിലും രണ്ട് കേന്ദ്രഭരണ പ്രദേശങ്ങളിലുമായി 18 കോടിയിലേറെ വോട്ടര്‍മാരാണ് വിധിയെഴുതുന്നത്. വയനാട്ടില്‍ നിന്നും രാഹുല്‍ ഗാന്ധി ജനവിധി തേടുമ്പോള്‍ ഗുജറാത്തിലെ ഗാന്ധിനഗറില്‍ നിന്നും ബിജെപി ദേശീയാധ്യക്ഷന്‍ അമിത് ഷായും ജനവിധി തേടുന്നുണ്ട്.</p> http://www.mangalam.com/news/detail/303408-latest-news-loksabha-election-in-kerala.html http://www.mangalam.com/uploads/thumbs/imagecache/400x241/uploads/news/2019/04/303408/election.jpg http://www.mangalam.com/news/detail/303408-latest-news-loksabha-election-in-kerala.html Tue, 23 Apr 2019 07:52:06 +0530 Tue, 23 Apr 2019 07:52:06 +0530 'ശ്രീലങ്കയിലെ കൂട്ടക്കുരുതി, കേരളത്തിനുള്ള പാഠങ്ങള്‍; ശ്രീലങ്കയും കേരളവും തമ്മില്‍ അരമണിക്കൂര്‍ ദൂരമേ ഉള്ളൂ, ഇന്നലെ അവിടെ നടന്നത് നാളെ കേരളത്തില്‍ നടക്കാം, നമ്മള്‍ പാഠങ്ങള്‍ പഠിക്കണം, ജാഗരൂകരാകണം'; മുരളി തുമ്മാരുകുടി പറയുന്നു <p>ഈസ്റ്റര്‍ ദിനത്തില്‍ ശ്രീലങ്കയിലെ ക്രിസ്ത്യന്‍ പള്ളികളിലും ഹോട്ടലുകളിലുമുണ്ടായ ഭീകരാക്രമണത്തില്‍ ലോകമൊന്നടങ്കം ഞെട്ടിയിരിക്കുകയാണ്. 290 പേര്‍ മരിച്ചതായാണ് കണക്കുകള്‍. ശ്രീലങ്കയിലെ ഭീകരാക്രമണത്തിന്റെ പശ്ചാത്തലത്തില്‍ ഐക്യരാഷ്ട്ര സംഘടനയുടെ ദുരന്തലഘൂകരണ വിഭാഗം മേധാവി മുരളി തുമ്മാരുകുടിയുടെ ഫേസ്ബുക്ക് കുറിപ്പ് ചര്‍ച്ചയാകുന്നു. ശ്രീലങ്കയിലെ കൂട്ടക്കുരുതി, കേരളത്തിനുള്ള പാഠങ്ങള്‍ എന്ന തലക്കെട്ടോടെയാണ് കുറിപ്പ് ആരംഭിക്കുന്നത്. </p> <p>കേരളം പോലെ വിവിധ ജാതി മതസ്ഥര്‍ ഒരുമിച്ച് ജീവിക്കുന്ന സ്ഥലമാണ് ശ്രീലങ്ക. അവിടെ വംശത്തിന്റെ പേരിലുണ്ടായ ആഭ്യന്തരയുദ്ധത്തില്‍ നിന്നും ഒരു കണക്കിന് രാജ്യം മുക്തി നേടി പുറത്തേക്ക് വന്ന് സാന്പത്തിക പുരോഗതി നേടുന്ന സമയത്ത് മതപരമായി ഭിന്നിപ്പിച്ചും സമാധാനം ഇല്ലാതാക്കിയും രാജ്യത്ത് കുഴപ്പങ്ങള്‍ ഉണ്ടാക്കാന്‍ ശ്രമിക്കുന്നത് നാം കാണാതെ പോകരുതെന്ന് അദ്ദേഹം കുറിച്ചു. ശ്രീലങ്കയും കേരളവും തമ്മില്‍ അരമണിക്കൂര്‍ ദൂരമേ ഉള്ളൂ, ഇന്നലെ അവിടെ നടന്നത് നാളെ കേരളത്തില്‍ നടക്കാം, നമ്മള്‍ പാഠങ്ങള്‍ പഠിക്കണം, ജാഗരൂകരാകണമെന്നും അദ്ദേഹം പറയുന്നു.</p> <p>മുരളി തുമ്മാരുകുടിയുടെ ഫേസ്ബുക്ക് പോസ്റ്റിന്റെ പൂര്‍ണ രൂപം; </p> <p>ശ്രീലങ്കയിലെ കൂട്ടക്കുരുതി, കേരളത്തിനുള്ള പാഠങ്ങള്‍...</p> <p>ഈസ്റ്റര്‍ ദിവസം രാവിലെ ശ്രീലങ്കയിലെ ക്രിസ്ത്യന്‍ പള്ളികളിലും ഹോട്ടലുകളിലുമുണ്ടായ ഭീകരവാദി ആക്രമണത്തില്‍ 290 പേര്‍ മരിച്ചതായിട്ടാണ് ഇപ്പോഴത്തെ കണക്കുകള്‍. അതില്‍ ഇരട്ടിയോളം പേര്‍ക്ക് ഗുരുതരമായ പരിക്കേറ്റിട്ടുണ്ട്. ഏറ്റവും അപലപിക്കപ്പെടേണ്ടതും, നമ്മളെ ചകിതരാക്കേണ്ടതുമാണ് ഈ സംഭവം. അപകടത്തിനിരയായവരുടെ കുടുംബങ്ങളെ അനുശോചനങ്ങള്‍ അറിയിക്കുന്നതോടൊപ്പം പരിക്കേറ്റവര്‍ വേഗം സുഖം പ്രാപിക്കട്ടെ എന്നും ആശംസിക്കുന്നു, ദേശീയ സുരക്ഷക്ക് ഭീഷണിയായി ഭീകരവാദം വളരുന്ന ഈ നിമിഷത്തില്‍ അതിനെ ഒറ്റക്കെട്ടായി നേരിടാന്‍ എല്ലാ ശ്രീലങ്കക്കാര്‍ക്കും കഴിയട്ടെ എന്ന് ആഗ്രഹിക്കുന്നു. കേരളത്തിന്റെ ഒരു മെഡിക്കല്‍ സംഘം ശ്രീലങ്കക്ക് സഹായത്തിനായി എത്തുന്നുണ്ടെന്ന് വായിച്ചു, വളരെ നല്ലത്. Lisan Ezhuvathra ഉള്‍പ്പെടെയുള്ള ധാരാളം മലയാളി സുഹൃത്തുക്കള്‍ അവിടെയുണ്ട്. എല്ലാവരും സുരക്ഷിതരാണെന്ന് കരുതട്ടെ.</p> <p>രാമ-രാവണ പുരാണങ്ങള്‍ അറിയാമെങ്കിലും ശ്രീലങ്ക, കേരളത്തിന്റെ എത്ര അടുത്താണെന്നും ഏതൊക്കെ തരത്തില്‍ ശ്രീലങ്കയും കേരളവുമായി ബന്ധപ്പെട്ടു കിടക്കുന്നു എന്നും ശ്രീലങ്കയില്‍ പോകാത്ത മലയാളികള്‍ പൊതുവെ മനസ്സിലാക്കിയിട്ടില്ല. ശ്രീലങ്കയും കേരളവും തമ്മില്‍ ഐതീഹ്യമായും ചരിത്രപരമായും ബന്ധങ്ങളുണ്ട്. തെങ്ങും ആയി ശ്രീലങ്കയില്‍ നിന്നും കേരളത്തില്‍ എത്തിയവരാണ് തങ്ങളെന്നാണ് ഒരു വിഭാഗം മലയാളികള്‍ വിശ്വസിക്കുന്നത്. ഇപ്പോള്‍ വിശ്വസിച്ച് അല്‍പം കള്ളുകുടിക്കണമെങ്കില്‍ ശ്രീലങ്കയില്‍ തന്നെ പോകണം. കഴിഞ്ഞ നൂറ്റാണ്ടിന്റെ ആദ്യകാലത്ത് മലയാളികളുടെ ഗള്‍ഫ് ആയിരുന്നു സിലോണ്‍. ഏറെ മലയാളികള്‍ അവിടെ കുടിയേറിയിട്ടുണ്ട്. ചങ്ങന്പുഴയുടെ കവിത ചൊല്ലി അത് മന്ത്രമാണെന്ന് വിശ്വസിപ്പിച്ച് ശ്രീലങ്കയില്‍ ജ്യോല്‍സ്യവും മന്ത്രവാദവും നടത്തി ജീവിക്കുന്ന മലയാളികളെക്കുറിച്ച് എ ടി കോവൂര്‍ എഴുതിയിട്ടുണ്ട്. എന്റെ ചെറുപ്പകാലത്ത് ഏറ്റവും നന്നായി മലയാളസിനിമാഗാനങ്ങള്‍ സംപ്രേക്ഷണം ചെയ്തിരുന്നത് സിലോണ്‍ റേഡിയോ ആണ്. ഞാന്‍ ആദ്യമായി ടി വി കാണുന്നത്, കൊടൈക്കനാലിലെ ഹോട്ടലുകാര്‍ ഏറെ പൊക്കത്തില്‍ ഒരു ആന്റിന വെച്ചുപിടിപ്പിച്ച് അവരുടെ ലോബിയില്‍ ശ്രീലങ്കന്‍ ടെലിവിഷന്‍ പ്രക്ഷേപണം ഒരു ആകര്‍ഷണമായി വെച്ചപ്പോഴാണ്. കേരളത്തെക്കാളും നല്ല വിദ്യാഭ്യാസം, ആരോഗ്യ സംവിധാനം, പരിസ്ഥിതി സംരക്ഷണം ഒക്കെയുള്ള പ്രദേശമായിരുന്നു പണ്ട് സിലോണ്‍.</p> <p>1980 മുതല്‍ കാര്യങ്ങള്‍ മോശമായി. 2010 വരെ സ്ഥിതിഗതികള്‍ ഏതാണ്ട് അതുപോലെ തുടര്‍ന്നു. എന്നാല്‍ ആഭ്യന്തര യുദ്ധം കഴിഞ്ഞുള്ള ശ്രീലങ്കയുടെ സാന്പത്തികമായ തിരിച്ചു വരവ് അതിശയിപ്പിക്കുന്നത്ര വേഗത്തിലായിരുന്നു. സമാധാനത്തോടൊപ്പം ഹോട്ടലുകളും വിമാനസര്‍വീസുകളും കൂടി വന്നതോടെ ടൂറിസം അതിവേഗത്തില്‍ വളര്‍ന്നു. ഇന്ത്യന്‍ തുറമുഖങ്ങളെക്കാള്‍ കാര്യക്ഷമമായി പ്രവര്‍ത്തിക്കുന്ന തുറമുഖങ്ങള്‍ അവിടെ വന്നത് മറ്റു സാന്പത്തിക രംഗവും ഉഷാറാക്കിത്തുടങ്ങി. നഷ്ടപ്പെട്ട പതിറ്റാണ്ടുകള്‍ അവര്‍ വേഗത്തില്‍ തിരിച്ചു പിടിക്കുകയാണെന്നും, അത് കേരളം ശ്രദ്ധിക്കണമെന്നും ഞാന്‍ രണ്ടു വര്‍ഷം മുന്‍പേ പറഞ്ഞിരുന്നു. കാര്യം കായലും ഹൗസ്ബോട്ടും ആയുര്‍വേദവും ഉള്‍പ്പെടെയുള്ള അവരുടെ ടൂറിസം പ്രമോഷന്‍ കേരളവുമായി ഏറെ ചേര്‍ന്നു നില്‍ക്കുന്നതാണെങ്കിലും, ശ്രീലങ്കയെ കേരളടൂറിസത്തെ വെല്ലുവിളിക്കുന്ന ഒരു ശക്തിയായി കാണേണ്ടതില്ല. കേരളത്തില്‍ ടൂറിസം നടത്തി പരിചയമുള്ളവര്‍ക്ക് അവിടെ പോയി മൂലധനം നിക്ഷേപിക്കാം, അവിടെ നിന്നും ടൂറിസം പഠിക്കാനുള്ള വിദ്യാര്‍ത്ഥികള്‍ക്ക് കേരളത്തില്‍ അവസരം നല്‍കാം, ശ്രീലങ്ക സന്ദര്‍ശിക്കാന്‍ വരുന്നവര്‍ക്ക് കേരളവും കൂടി സന്ദര്‍ശിക്കാന്‍ പറ്റുന്ന ട്വിന്‍ പാക്കേജ് ശ്രീലങ്കന്‍ എയര്‍ലൈനും താജ് ഹോട്ടലുമായി ചേര്‍ന്ന് നടത്താം, ഒരു വിദേശയാത്ര പോലും ചെയ്തിട്ടില്ലാത്ത മലയാളികള്‍ക്ക് പതിനായിരം രൂപ ചെലവില്‍ ശ്രീലങ്കയില്‍ പോയി മൂന്ന് ദിവസം താമസിച്ച് തിരിച്ചു വരാവുന്ന പാക്കേജുകള്‍ ഉണ്ടാക്കാം, തിരിച്ചും. കേരളത്തിലെയും ശ്രീലങ്കയിലെയും ഓരോ ഗ്രാമത്തിലെയും ആളുകളെ ബന്ധിപ്പിക്കുന്ന എയര്‍ ബി ആന്‍ഡ് ബി പോലുള്ള ഹോംസ്റ്റേ സംവിധാനം ഉണ്ടാക്കിയാല്‍ തായ്ലണ്ടിന് പോലും വെല്ലുവിളിയാകുന്ന ടൂറിസം സംവിധാനം നമുക്കുണ്ടാക്കാം. ചുവപ്പുനാടയുടെയും ഹര്‍ത്താലിന്റെയും സമരത്തിന്റെയും പ്രശ്‌നങ്ങളില്ലാതെ പൂക്കൃഷി മുതല്‍ ഇലക്ട്രോണിക്ക് മാനുഫാക്ചറിംഗ് വരെ മലയാളികള്‍ക്ക് ശ്രീലങ്കയില്‍ നടത്താമല്ലോ.</p> <p>ഇത്തരത്തിലുള്ള ധാരാളം അവസരങ്ങളുടെ സാധ്യതകള്‍ ഉള്ളതുകൊണ്ടാണ് എന്താണ് ശ്രീലങ്കയില്‍ നടക്കുന്നതെന്ന് ശ്രദ്ധിക്കണമെന്ന് ഞാന്‍ കേരളത്തിലെ ജനങ്ങളോടും ഉദ്യോഗസ്ഥരോടും നേതൃത്വത്തോടും പറയാറുള്ളത്. തീവ്രവാദി ആക്രമണം അതിന് ഒരു കാരണം കൂടിയായി. അങ്ങനെ നോക്കേണ്ടതിന്റെ ആവശ്യകതയും കൂട്ടി. കേരളം പോലെ വിവിധ ജാതി മതസ്ഥര്‍ ഒരുമിച്ച് ജീവിക്കുന്ന സ്ഥലമാണ് ശ്രീലങ്ക. അവിടെ വംശത്തിന്റെ പേരിലുണ്ടായ ആഭ്യന്തരയുദ്ധത്തില്‍ നിന്നും ഒരു കണക്കിന് രാജ്യം മുക്തി നേടി പുറത്തേക്ക് വന്ന് സാന്പത്തിക പുരോഗതി നേടുന്ന സമയത്ത് മതപരമായി ഭിന്നിപ്പിച്ചും സമാധാനം ഇല്ലാതാക്കിയും രാജ്യത്ത് കുഴപ്പങ്ങള്‍ ഉണ്ടാക്കാന്‍ ശ്രമിക്കുന്നത് നാം കാണാതെ പോകരുത്. ഇതിന്റെ പിന്നില്‍ ആരാണ്, അവരുടെ ലക്ഷ്യങ്ങള്‍ എന്താണ്, സാന്പത്തികവും സാമൂഹ്യവുമായി എങ്ങനെ ഇത്തരം ആക്രമണങ്ങള്‍ രാജ്യത്തെ പിന്നോട്ടടിക്കുന്നു, അത് എങ്ങനെ ജനങ്ങളില്‍ പരസ്പരവിശ്വാസം നഷ്ടപ്പെടുത്തുന്നു, അതിനെ സര്‍ക്കാര്‍ എങ്ങനെ നേരിടുന്നു എന്നെല്ലാം നാം പഠിക്കേണ്ടതാണ്. കാരണം ശ്രീലങ്കയും കേരളവും തമ്മില്‍ അരമണിക്കൂര്‍ ദൂരമേ ഉള്ളൂ. ഇന്നലെ അവിടെ നടന്നത് നാളെ കേരളത്തില്‍ നടക്കാം. നമ്മള്‍ പാഠങ്ങള്‍ പഠിക്കണം, ജാഗരൂകരാകണം. ഇങ്ങനെ എന്തെങ്കിലും സംഭവിച്ചാല്‍ അതില്‍ നിന്നും ഉടന്‍ രക്ഷനേടാനും സമൂഹം എന്ന നിലയില്‍ ഭിന്നിച്ചു പോകാതെ പ്രശ്‌നങ്ങളെ ഒന്നിച്ചു നേരിടാനും നാം തയ്യാറാകണം.</p> <p>ശ്രീലങ്ക ഏറ്റവും വേഗത്തില്‍ വികസനത്തിന്റെ പാതയിലേക്ക് ഒത്തൊരുമയോടെ തിരിച്ചെത്തുമെന്ന വിശ്വാസത്തോടെ,</p> <p>മുരളി തുമ്മാരുകുടി </p> <p><iframe src="https://www.facebook.com/plugins/post.php?href=https%3A%2F%2Fwww.facebook.com%2Fthummarukudy%2Fposts%2F10217475922665309&width=500" width="500" height="350" style="border:none;overflow:hidden" scrolling="no" frameborder="0" allowTransparency="true" allow="encrypted-media"></iframe></p> http://www.mangalam.com/news/detail/303407-latest-news-murali-thummarukudi-fb-post.html http://www.mangalam.com/uploads/thumbs/imagecache/400x241/uploads/news/2019/04/303407/murali.jpg http://www.mangalam.com/news/detail/303407-latest-news-murali-thummarukudi-fb-post.html Tue, 23 Apr 2019 07:47:26 +0530 Tue, 23 Apr 2019 07:47:26 +0530 'ലെഗ്ഗിന്‍സിലേക്ക് ചോര പടരുന്നത് അറിയുന്നുണ്ട്, ഷോളെടുത്ത് മടക്കി സീറ്റിലിട്ട് അതിന്റെ മുകളിലിരിക്കുകയാണ്; ഞങ്ങള്‍ ഏഴോ എട്ടോ പേര്‍ ഒന്നിച്ച് ഒച്ചവെച്ചു, എന്നിട്ടും കല്ലടയുടെ സ്റ്റാഫ് അനങ്ങിയില്ല'; അരുന്ധതി പറയുന്നു <p>കല്ലട ബസില്‍ യാത്രക്കാര്‍ക്ക് നേരെ നടന്ന അക്രമം പുറത്ത് വന്നതോടെ വന്‍ ജനരോക്ഷമാണ് കല്ലട ട്രാവല്‍സിനെതിരെ ഉയരുന്നത്. തങ്ങള്‍ക്കുണ്ടായ ദുരനുഭവങ്ങള്‍ വെളിപ്പെടുത്തി പലരും രംഗത്തെത്തി. ഇപ്പോള്‍ ബസില്‍ വെച്ച് തനിക്കുണ്ടായ ദുരനുഭവം വെളിപ്പെടുത്തി രംഗത്തെത്തിയിരിക്കുകയാണ് ഗവേഷക വിദ്യാര്‍ത്ഥി അരുന്ധതി ബി. 2015ല്‍ കൊച്ചിയില്‍ നിന്നും ഹൈദരാബാദിലേക്കുള്ള യാത്രക്കിടെ തനിക്കുണ്ടായ ദുരനുഭവമാണ് അവര്‍ വെളിപ്പെടുത്തിയിരിക്കുന്നത്.</p> <p>അരുന്ധതിയുടെ ഫേസ്ബുക്ക് പോസ്റ്റിന്റെ പൂര്‍ണരൂപം; </p> <p>രണ്ടായിരത്തിപ്പതിനഞ്ചിലാണ്. ശബരിക്ക് തത്കാല്‍ ടിക്കറ്റ് പോലും ലോട്ടറിയായതിനാലും, ഫ്‌ളൈറ്റ് ഇന്നത്തെപ്പോലെ അഫോഡബിള്‍ അല്ലാത്തതിനാലും കല്ലടയായിരുന്നു ഹൈദരാബാദ് വരെ പോകാന്‍ ആശ്രയം. സെമി സ്‌ളീപ്പര്‍ സീറ്റില്‍ ഏതാണ്ട് പതിനെട്ട് മണിക്കൂര്‍ ഇരിക്കണം. കൊച്ചിയില്‍നിന്ന് ഉച്ചയ്ക്ക് കയറിയാല്‍, പിറ്റേന്ന് രാവിലെ എത്താം. രണ്ടോ മൂന്നോ മണിക്കൂര്‍ വൈകിയാലും വേറെ ഓപ്ഷനില്ലാത്തതുകൊണ്ട് നമ്മളതങ്ങ് സഹിക്കും. അത്തരമൊരു യാത്രയ്ക്ക് ടിക്കറ്റ് ബുക്ക് ചെയ്ത ദിവസമാണ് പിരീഡ്‌സ് ആവുന്നത്. കാന്‍സല്‍ ചെയ്താല്‍ കാശുപോവുന്നതുകൊണ്ട് രണ്ടും കല്‍പ്പിച്ച് വണ്ടി കയറി. സന്ധ്യയ്ക്കും അത്താഴത്തിന്റെ നേരത്തും മൂത്രപ്പുര ഉപയോഗിക്കാന്‍ പറ്റി. ഉറങ്ങാന്‍ പോവും മുന്‍പ് ഡ്രൈവറോടും സഹായിയോടും പ്രത്യേകം പറഞ്ഞു എവിടേലും ഡീസലടിക്കുന്ന സ്ഥലത്ത് വിളിച്ചെഴുന്നേല്‍പ്പിക്കണേ, ടോയ്‌ലറ്റില്‍ പോവേണ്ടത് അത്യാവശ്യമാണെന്ന്. </p> <p>വെളുപ്പിനെ അടിപൊളി വയറുവേദനയുമായാണ് കണ്ണുതുറന്നത്. ആറ്മണിയാവുന്നേയുള്ളൂ. ഹൈദരാബാദിന്റെ ഔട്‌സ്‌കര്‍സിലെവിടെയോ ആണ്. മൂത്രമൊഴിക്കാന്‍ ഒന്നുനിര്‍ത്തിക്കേന്ന് പറയാന്‍ എഴുന്നേറ്റപ്പൊ തന്നെ പന്തികേട് തോന്നി. പാഡ് ഓവര്‍ഫ്‌ളോ ആയിട്ടുണ്ട്. അസ്വസ്ഥത സഹിച്ച് മൂന്ന് പാഡോ മറ്റോ വെച്ചിട്ട് കിടന്നതാണ്. എന്നിട്ടും യൂട്രസ് പണി പറ്റിച്ചു. എങ്ങനെയൊക്കെയോ ഡ്രൈവറുടെ കാബിനിലെത്തി വണ്ടി വേഗം നിര്‍ത്തിത്തരാന്‍ പറഞ്ഞു. ഉടനെ ആളിറങ്ങുന്നുണ്ടെന്നും അവിടെ ഒതുക്കാമെന്നുമായിരുന്നു മറുപടി. ആളുകള്‍ ഇറങ്ങിയതൊക്കെയും നടുറോഡിലായിരുന്നു. വണ്ടി പല പെട്രോള്‍പമ്പുകളും പിന്നിട്ടു. എവിടെയും നിര്‍ത്തിയില്ല. വീണ്ടും എഴുന്നേറ്റ് നടക്കാന്‍ പറ്റുന്ന അവസ്ഥയിലായിരുന്നില്ല ഞാന്‍. ലെഗ്ഗിന്‍സിലേക്ക് ചോര പടരുന്നത് അറിയുന്നുണ്ട്. ഷോളെടുത്ത് മടക്കി സീറ്റിലിട്ട് അതിന്റെ മുകളിലിരിക്കുകയാ. ദാഹിക്കുന്നുണ്ട്. തുള്ളി വെള്ളം കുടിക്കാന്‍ പേടി. ആര്‍ത്തവസമയത്ത് മൂത്രം ഒട്ടും പിടിച്ചുവയ്ക്കാന്‍ കഴിയാറില്ല. ഒടുക്കം തൊട്ടുമുന്‍പിലെ സീറ്റിലിരുന്ന ചെറുപ്പക്കാരനോട് കാര്യം പറഞ്ഞു. അയാളോടി ഡ്രൈവറുടെ അടുത്ത് പോയി. ഇനി മെഹ്ദിപട്ടണത്തേ സ്റ്റോപ്പുള്ളൂവെന്നും, ബ്രേക്ഫാസ്റ്റിന് നിര്‍ത്താത്ത വണ്ടിയായതിനാല്‍ മെഹ്ദിപട്ടണത്തിറങ്ങി എതേലും ടോയ്‌ലറ്റ് കണ്ടുപിടിച്ചോന്നുമായിരുന്നു മറുപടി. ഒരു പരിചയവുമില്ലാത്ത ആ യാത്രക്കാരന്‍ എനിക്കുവേണ്ടി പ്രതികരിച്ചു. </p> <p>ബസില് ബാക്കിയുണ്ടായിരുന്ന ഞങ്ങള്‍ ഏഴോ എട്ടോ പേര്‍ ഒന്നിച്ച് ഒച്ചവെച്ചു. എന്നിട്ടും കല്ലടയുടെ സ്റ്റാഫ് അനങ്ങിയില്ല. അവരുടെ ഓഫീസ് നമ്പറില്‍ വിളിച്ചു ഒടുക്കം. മെഹ്ദിപട്ടണത്ത് അവരുടെ ഓഫീസില്‍ ബസ് നിര്‍ത്തുമെന്നും, അവിടുത്തെ ടൊയ്‌ലറ്റ് ഉപയോഗിക്കാമെന്നും ധാരണയായി. ബസ് നിര്‍ത്തുമ്പൊ നടക്കാന്‍ പോലും പറ്റാത്ത അവസ്ഥയിലായിരുന്നു. ഓഫീസെന്ന് പേരിട്ട കുടുസ്സുമുറിയുടെ വലത്തേയറ്റത്ത് ഒരു ഇന്ത്യന്‍ ടൊയ്‌ലറ്റ്. ടാപ്പോ വെള്ളമോ ഇല്ല. പത്തു മിനിറ്റ് കാത്തുനിര്‍ത്തിയിട്ട് ഒരു ബക്കറ്റ് വെള്ളം കൊണ്ടുത്തന്നു. ആ കക്കൂസ് മുറിയില്‍ കയറുമ്പൊ അപമാനംകൊണ്ട് മേലാകെ വിറച്ചു. ചോര പറ്റിയ ഷോളില്‍ പാഡും അടിവസ്ത്രവും പൊതിഞ്ഞെടുത്ത് പുറത്തിറങ്ങി കല്ലടയ്ക്ക് പരാതി എഴുതിക്കൊടുത്ത് ഇല്ലാത്ത കാശിന് ഒരു ഓട്ടോ പിടിച്ചു, മറ്റുള്ളോര്‍ക്ക് ചോര നാറുമോയെന്ന് കരുതിയിട്ട്. <br />പിന്നൊരിക്കലും ആ നശിച്ച വണ്ടിയില്‍ കയറില്ലെന്ന് ശപഥമെടുത്തെങ്കിലും, ഗതികേടുകൊണ്ട് പിന്നെയും മൂന്നോ നാലോ വട്ടം കയറേണ്ടിവന്നിട്ടുണ്ട്. കല്ലടയ്‌ക്കെതിരെ നടപടിയെടുക്കുമ്പോ എന്നെപ്പോലെ ആയിരക്കണക്കിന് സ്ത്രീകള്‍ സന്തോഷിക്കുന്നുണ്ടാകും.</p> <p><iframe src="https://www.facebook.com/plugins/post.php?href=https%3A%2F%2Fwww.facebook.com%2Farundhathi.bnalukettil%2Fposts%2F1953320444796146&width=500" width="500" height="765" style="border:none;overflow:hidden" scrolling="no" frameborder="0" allowTransparency="true" allow="encrypted-media"></iframe></p> http://www.mangalam.com/news/detail/303406-latest-news-arundhadi-about-kallada-travels.html http://www.mangalam.com/uploads/thumbs/imagecache/400x241/uploads/news/2019/04/303406/arundhadhi.jpg http://www.mangalam.com/news/detail/303406-latest-news-arundhadi-about-kallada-travels.html Tue, 23 Apr 2019 07:19:53 +0530 Tue, 23 Apr 2019 07:19:53 +0530 ഒന്നരക്കിലോ കഞ്ചാവുമായി ഒഡീഷ സ്വദേശി അറസ്‌റ്റില്‍ <p>ചാരുംമൂട്‌: ഒന്നരക്കിലോ കഞ്ചാവുമായി ഒഡീഷ സ്വദേശിയെ നൂറനാട്‌ എക്‌സൈസ്‌ സംഘം അറസ്‌റ്റ് ചെയ്‌തു. ഒഡീഷ സ്വദേശി ബസന്ത്‌മാലിയെ(24)യാണ്‌ നൂറനാട്‌ കുഷ്‌ഠരോഗാശുപത്രിയ്‌ക്ക് സമീപത്തു നിന്നും കഴിഞ്ഞ രാത്രി അറസ്‌റ്റ് ചെയ്‌തത്‌. തെരഞ്ഞെടുപ്പിന്റെ ഭാഗമായി നടക്കുന്ന പരിശോധനയ്‌ക്കിടെ രഹസ്യവിവരത്തെ തുടര്‍ന്നായിരുന്നു അറസ്‌റ്റ്. കഴിഞ്ഞ കുറേ നാളുകളായി ഒഡീഷയില്‍ നിന്നും ഇയാള്‍ കഞ്ചാവ്‌ കടത്തി കേരളത്തില്‍ വില്‍പന നടത്തി വരികയാണെന്ന്‌ എക്‌സൈസ്‌ ഉദ്യോഗസ്‌ഥര്‍ പറഞ്ഞു. <br />റേഞ്ച്‌ ഓഫീസര്‍ വി.രാധാകൃഷ്‌ണപിള്ള, പ്രിവന്റീവ്‌ ഓഫീസര്‍ കെ.പി.പ്രമോദ്‌, സി.ഇ.ഒമാരായ ബി.പ്രവീണ്‍, കെ.സുരേഷ്‌കുമാര്‍, യു.അനു, ജി.ശ്യാം, ആര്‍.പ്രകാശ്‌, എസ്‌.സുരേഷ്‌ എന്നിവരുടെ നേതൃത്വത്തിലായിരുന്നു പരിശോധന.</p> http://www.mangalam.com/news/detail/303387-latest-news.html http://www.mangalam.com/uploads/thumbs/imagecache/400x241/uploads/news/2019/04/303387/c7.jpg http://www.mangalam.com/news/detail/303387-latest-news.html Tue, 23 Apr 2019 01:41:26 +0530 Tue, 23 Apr 2019 01:41:26 +0530 ഭാര്യയെ വെട്ടി പരുക്കേല്‍പ്പിച്ച യുവാവ്‌ അറസ്‌റ്റില്‍ <p>എടത്വാ: ഭാര്യയെ വെട്ടി പരുക്കേല്‍പ്പിച്ച യുവാവ്‌ അറസ്‌റ്റില്‍. ചെറുതന ചിറയില്‍ വീട്ടില്‍ ജയന്‍ വര്‍ഗീസ്‌(41) ആണ്‌ അറസ്‌റ്റിലായത്‌. വെട്ടേറ്റ ഭാര്യ ഷീബ(30) യെ ആലപ്പുഴ മെഡിക്കല്‍ കോളജ്‌ ആശുപത്രിയില്‍ പ്രവേശിപ്പിച്ചു. <br />ഭാര്യയുടെ സ്വഭാവ ശുദ്ധിയില്‍ സംശയം ആരോപിച്ച്‌ ജയന്‍ പിരിഞ്ഞ്‌ കഴിയുകയായിരുന്നു. ഷീബ മാതാപിതാക്കളോടൊപ്പം തലവടി കളങ്ങര പറമ്പടിക്കുന്നേല്‍ വീട്ടിലാണ്‌ താമസിച്ചു വന്നിരുന്നത്‌. <br />കഴിഞ്ഞ ഞായറാഴ്‌ച വൈകിട്ട്‌ ഭാര്യവീട്ടിലെത്തിയ ജയന്‍ കൈവശം കരുതിയിരുന്ന വെട്ടുകത്തി ഉപയോഗിച്ച്‌ ഷീബയുടെ പിന്‍കഴുത്തില്‍ വെട്ടുകയായിരുന്നു. <br />വെട്ടേറ്റ്‌ ഓടിയ ഷീബയെ പിന്‍തുടര്‍ന്ന്‌ വീണ്ടും വെട്ടി പരുക്കേല്‍പ്പിച്ചു. വീട്ടുകാരുടെ അലര്‍ച്ചകേട്ട്‌ ഓടിക്കൂടിയ നാട്ടുകാര്‍ ജയനെ പിടികൂടി പോലീസില്‍ ഏല്‍പ്പിച്ചു. ഷീബയുടെ കഴുത്തിനും ഇരുതോളുകള്‍ക്കും വെട്ടേറ്റിട്ടുണ്ട്‌. എടത്വാ എസ്‌.ഐ സിസില്‍ ക്രിസ്‌റ്റി രാജിന്റെ നേതൃത്വത്തിലുള്ള പോലീസ്‌ സംഘമാണ്‌ പ്രതിയെ അറസ്‌റ്റ്‌ ചെയ്‌തത്‌. അമ്പലപ്പുഴ കോടതിയില്‍ ഹാജരാക്കിയ ഇയാളെ റിമാന്‍ഡ്‌ ചെയ്‌തു.</p> http://www.mangalam.com/news/detail/303385-latest-news.html http://www.mangalam.com/uploads/thumbs/imagecache/400x241/uploads/news/2019/04/303385/c4.jpg http://www.mangalam.com/news/detail/303385-latest-news.html Tue, 23 Apr 2019 01:42:54 +0530 Tue, 23 Apr 2019 01:42:54 +0530 വയോധികയെ കൊലപ്പെടുത്തിയ കേസില്‍ മകന്‍ അറസ്‌റ്റില്‍ <p>പറവൂര്‍: കാണാതായ വയോധികയുടെ മൃതദേഹം കുഴിച്ചിട്ട നിലയില്‍ കണ്ടെത്തിയ കേസില്‍ മകന്‍ അറസ്‌റ്റില്‍. മൃതദേഹം കുറുപ്പശേരി കാഞ്ചനവല്ലി(72)യുടേതാണെന്നു തിരിച്ചറിഞ്ഞു. ഇവരുടെ മകന്‍ സുരേഷാ(54)ണ്‌ അറസ്‌റ്റിലായത്‌. അമ്മയെ കൊലപ്പെടുത്തിയതാണെന്നു സുരേഷ്‌ പോലീസിനോടു സമ്മതിച്ചു. <br />പുറത്തെടുത്ത മൃതദേഹം പോസ്‌റ്റ്‌മോര്‍ട്ടത്തിനായി കളമശേരി മെഡിക്കല്‍ കോളജ്‌ ആശുപത്രിയിലേക്കു മാറ്റി. സമീപവാസികളാണു മൃതദേഹം തിരിച്ചറിഞ്ഞത്‌. കെടാമംഗലം കുടിയാകുളങ്ങര ക്ഷേത്രത്തിനു സമീപമാണു കാഞ്ചനവല്ലിയുടെ വീട്‌. വീടിനു പിന്നിലുള്ള ചിറയുടെ സമീപത്തെ കുറ്റിക്കാട്ടിലാണു മൃതദേഹം കണ്ടെത്തിയത്‌. നാലുദിവസത്തെ പഴക്കമുണ്ട്‌. <br />അറസ്‌റ്റിലായ സുരേഷ്‌ മോഷണമുള്‍പ്പെടെ ഒട്ടേറെ കേസുകളില്‍ പ്രതിയാണ്‌. ഭാര്യയും മക്കളുമായി പിണങ്ങിക്കഴിയുന്ന ഇയാള്‍ ഇടയ്‌ക്കിടെ അമ്മ താമസിക്കുന്ന വീട്ടില്‍ വന്നിരുന്നു. അമ്മയുമായി വഴക്കുണ്ടാക്കുന്നതും മര്‍ദിക്കുന്നതും പതിവായിരുന്നു. കഴിഞ്ഞ 18-നാണ്‌ സംഭവം. മദ്യപിച്ചെത്തിയ സുരേഷ്‌ അമ്മയുടെ സ്വര്‍ണം ആവശ്യപ്പെട്ടു. മാലയില്‍ പിടിച്ചുവലിച്ചെങ്കിലും കാഞ്ചനവല്ലി എതിര്‍ത്തു. ഇതേത്തുടര്‍ന്ന്‌ സുരേഷ്‌ കരിങ്കല്ലുകൊണ്ട്‌ അമ്മയുടെ തലയ്‌ക്കടിച്ചു. മരിച്ചെന്ന്‌ ഉറപ്പായതോടെ കാഞ്ചനവല്ലിയുടെ കമ്മലും വളയും മാലയും ഊരിയെടുത്തു. അന്നു രാത്രിതന്നെ മദ്യലഹരിയില്‍ മൃതദേഹം വലിച്ചിഴച്ച്‌ കുറ്റിക്കാട്ടിലെത്തിച്ച്‌ കുഴിച്ചിട്ടു. കവര്‍ന്ന മാല മുക്കുപണ്ടമായിരുന്നു. വളയും കമ്മലും പറവൂരിലെ സ്വകാര്യസ്‌ഥാപനത്തില്‍ 25,000 രൂപയ്‌ക്കു പണയംവച്ചു. പിടിയിലാകുമ്പോള്‍ 22,000 രൂപയും പണയംവച്ച രസീതും കൈവശമുണ്ടായിരുന്നു. <br />കാഞ്ചനവല്ലിയെ കാണാതായതോടെ സമീപവാസികളുടെ അന്വേഷണത്തിലാണു കൊലപാതകം പുറംലോകമറിഞ്ഞത്‌. നാട്ടുകാരും പോലീസും ചേര്‍ന്നാണു സുരേഷിനെ പിടികൂടിയത്‌. ഇയാളെ ഇന്നു കോടതിയില്‍ ഹാജരാക്കും.</p> http://www.mangalam.com/news/detail/303386-latest-news.html http://www.mangalam.com/uploads/thumbs/imagecache/400x241/uploads/news/2019/04/303386/c5.jpg http://www.mangalam.com/news/detail/303386-latest-news.html Tue, 23 Apr 2019 01:43:22 +0530 Tue, 23 Apr 2019 01:43:22 +0530 യാത്രക്കാര്‍ക്കു ക്രൂരമര്‍ദനം: കല്ലട ട്രാവല്‍സിന്റെ ജീവനക്കാര്‍ അറസ്‌റ്റില്‍ <p>മരട്‌ (കൊച്ചി): യാത്രക്കാരെ ക്രൂരമായി ആക്രമിച്ച കേസില്‍ സുരേഷ്‌ കല്ലട ട്രാവല്‍സിന്റെ രണ്ടു ജീവനക്കാരെ മരട്‌ പോലീസ്‌ അറസ്‌റ്റ്‌ ചെയ്‌തു. ആക്രമണത്തിനു നേതൃത്വം നല്‍കിയ ബസ്‌ ജീവനക്കാരായ ചിറയിന്‍കീഴ്‌ മടവൂര്‍ ജയേഷ്‌ ഭവനത്തില്‍ ജയേഷ്‌ (25), കൊടകര ആനന്ദപുരം ആലത്തൂര്‍ മണപ്പിള്ളില്‍ വീട്ടില്‍ ജിതിന്‍ (25) എന്നിവരാണ്‌ അറസ്‌റ്റിലായത്‌. ഇവരെ ഇന്നു കോടതിയില്‍ ഹാജരാക്കും. <br />ട്രാവല്‍സ്‌ മാനേജര്‍ കൊല്ലം സ്വദേശി ഗിരിലാലിനെ പോലീസ്‌ ചോദ്യംചെയ്‌തു. കേസില്‍ കൂടുതല്‍പേരെ പ്രതിചേര്‍ക്കുമെന്നാണു സൂചന. ബസ്‌ സര്‍വീസ്‌ രേഖകള്‍ കൊച്ചി വൈറ്റിലയിലെ കല്ലട ഓഫീസിലെത്തി പോലീസ്‌ ശേഖരിച്ചു. കോണ്‍ട്രാക്‌റ്റ്‌ കാര്യേജ്‌ പെര്‍മിറ്റിന്റെ മറവിലാണു യാത്രാ സര്‍വീസുകള്‍ നടത്തിയിരുന്നതെന്നു കണ്ടെത്തി. അനധികൃത പാഴ്‌സല്‍ സര്‍വീസ്‌ നടത്തുന്നതിനും തെളിവു ലഭിച്ചു. ഇതേത്തുടര്‍ന്ന്‌ വൈറ്റിലയിലെ ഓഫീസ്‌ പോലീസ്‌ അടച്ചുപൂട്ടി. ഗതാഗത കമ്മിഷണറുടെ നിര്‍ദേശപ്രകാരം ബസിന്റെ പെര്‍മിറ്റ്‌ റദ്ദാക്കി. <br />സുരേഷ്‌ കല്ലട ഗ്രൂപ്പിനു സംസ്‌ഥാനത്തു മുപ്പതിലേറെ ഓഫീസുകളുണ്ട്‌. പോലീസ്‌ കസ്‌റ്റഡിയിലായിരുന്ന ജയേഷിന്റെയും ജിതിന്റെയും അറസ്‌റ്റ്‌ ഇന്നലെ ഉച്ചയ്‌ക്കാണു രേഖപ്പെടുത്തിയത്‌. മര്‍ദനം നടന്ന കെ.എല്‍. 45 എച്ച്‌ 6132 ബസും കസ്‌റ്റഡിയിലെടുത്തു. <br />സംഭവം ഇങ്ങനെ: കഴിഞ്ഞ ശനിയാഴ്‌ച രാത്രി തിരുവനന്തപുരത്തുനിന്നു ബംഗളുരുവിലേക്കു പോയ ബസ്‌ ഹരിപ്പാട്‌ കരുവാറ്റയില്‍ ബ്രേക്ക്‌ ഡൗണായി. പകരം സംവിധാനമേര്‍പ്പെടുത്താതെ, മൂന്നരമണിക്കൂറോളം നടുറോഡില്‍ കഴിയേണ്ടിവന്ന യാത്രക്കാര്‍ ഇതു ചോദ്യംചെയ്‌തതോടെ ജീവനക്കാര്‍ തട്ടിക്കയറി. തുടര്‍ന്ന്‌, ഹരിപ്പാട്‌ പോലീസ്‌ ഇടപെട്ട്‌ കൊച്ചിയില്‍നിന്നു കല്ലടയുടെ മറ്റൊരു ബസ്‌ വരുത്തി യാത്ര തുടര്‍ന്നു. പുലര്‍ച്ചെ ബസ്‌ വൈറ്റിലയിലെത്തിയപ്പോള്‍, മറ്റു ജീവനക്കാരെക്കൂടി വിളിച്ചുവരുത്തി യാത്രക്കാരായ മൂന്നു യുവാക്കളെ തല്ലിച്ചതച്ചു. പാലക്കാട്‌ സ്വദേശി മുഹമ്മദ്‌ അഷ്‌കര്‍, സുല്‍ത്താന്‍ബത്തേരി സ്വദേശി സച്ചിന്‍, തിരുവനന്തപുരം സ്വദേശി അജയഘോഷ്‌ എന്നിവരെയാണ്‌ ആക്രമിച്ചത്‌. അജയ്‌ഘോഷിന്റെ മൊബൈല്‍ ഫോണും പണമടങ്ങിയ ബാഗും തട്ടിയെടുത്തതായും പരാതിയുണ്ട്‌. അജയ്‌ഘോഷ്‌ കൊച്ചിയിലെ സ്വകാര്യാശുപത്രിയില്‍ ചികിത്സയിലാണ്‌. <br />മര്‍ദനദൃശ്യങ്ങള്‍ ജേക്കബ്‌ ഫിലിപ്പ്‌ എന്ന യാത്രക്കാരന്‍ ഫെയ്‌സ്‌ബുക്കില്‍ പോസ്‌റ്റ്‌ ചെയ്‌തതോടെയാണു സംഭവം പുറംലോകമറിഞ്ഞത്‌. 11 അംഗസംഘം യുവാക്കളെ ബസില്‍നിന്നു വലിച്ചുപുറത്തിറക്കിയശേഷവും ബിയര്‍ കുപ്പികളുമായി പിന്തുടര്‍ന്നെന്നു ജേക്കബ്‌ ഫിലിപ്പിന്റെ ഫെയ്‌സ്‌ബുക്ക്‌ പോസ്‌റ്റില്‍ പറയുന്നു. മര്‍ദനമേറ്റ്‌ അവശരായ യുവാക്കള്‍ വൈറ്റില മസ്‌ജിദിനു സമീപത്തെ തട്ടുകടയില്‍ അഭയം പ്രാപിച്ചു. വിവരമറിഞ്ഞ്‌ സ്‌ഥലത്തെത്തിയ പോലീസ്‌ ഇവരില്‍നിന്നു വിവരങ്ങള്‍ ശേഖരിച്ചു. അജയ്‌ഘോഷിന്റെ മൊഴിയുടെ അടിസ്‌ഥാനത്തിലാണു സുരേഷ്‌ കല്ലട ബസ്‌ ജീവനക്കാര്‍ക്കെതിരേ കേസെടുത്തത്‌. <br />ട്രാവല്‍സിന്റെ വൈറ്റില ഓഫീസിലേക്കു യൂത്ത്‌ കോണ്‍ഗ്രസ്‌ പ്രവര്‍ത്തകര്‍ മാര്‍ച്ച്‌ നടത്തി. കെ.ആര്‍. സുരേഷ്‌കുമാറിന്റെ പേരില്‍ ഇരിങ്ങാലക്കുടയിലാണു ബസിന്റെ രജിസ്‌ട്രേഷന്‍. തുടര്‍നടപടികള്‍ക്കായി കേസ്‌ ഇരിങ്ങാലക്കുടയിലേക്കു മാറ്റും. ബസ്‌ ഡ്രൈവറുടെ ലൈസന്‍സ്‌ റദ്ദാക്കുമെന്നും എറണാകുളം ആര്‍.ടി.ഒ. ജോജി പി. ജോസ്‌ അറിയിച്ചു.</p> http://www.mangalam.com/news/detail/303388-latest-news.html http://www.mangalam.com/uploads/thumbs/imagecache/400x241/uploads/news/2019/04/303388/c1.jpg http://www.mangalam.com/news/detail/303388-latest-news.html Tue, 23 Apr 2019 01:43:56 +0530 Tue, 23 Apr 2019 01:43:56 +0530 പ്രീമിയര്‍ ലീഗില്‍ പോരാട്ടം രൂക്ഷം <p>ലണ്ടന്‍: ഇംഗ്ലീഷ്‌ പ്രീമിയര്‍ ലീഗ്‌ ഫുട്‌ബോളില്‍ കിരീടപ്പോരാട്ടം അതിരൂക്ഷം. ഞായറാഴ്‌ച വൈകി നടന്ന മത്സരത്തില്‍ കാര്‍ഡിഫ്‌ സിറ്റിയെ 2-0 ത്തിനു തോല്‍പ്പിച്ചതോടെ ലിവര്‍പൂള്‍ ഒന്നാംസ്‌ഥാനത്തു തിരിച്ചെത്തി. 35 കളികളില്‍നിന്ന്‌ 88 പോയിന്റാണു ലിവര്‍പൂളിന്റെ നേട്ടം. <br />രണ്ടാംസ്‌ഥാനക്കാരായ മാഞ്ചസ്‌റ്റര്‍ സിറ്റി 34 കളികളില്‍നിന്ന്‌ 86 പോയിന്റുമായി വിടാതെ പിന്നാലെയുണ്ട്‌. മൂന്നാംസ്‌ഥാനക്കാരായ ടോട്ടന്‍ഹാം ഹോട്ട്‌സ്പര്‍ 34 കളികളില്‍നിന്ന്‌ 67 പോയിന്റുമായി ബഹുദൂരം പിന്നിലാണ്‌. കാര്‍ഡിഫിനെ അവരുടെ തട്ടകമായ സിറ്റി സ്‌റ്റേഡിയത്തിലാണു ലിവര്‍പൂള്‍ തോല്‍പ്പിച്ചത്‌. ജോര്‍ജീഞ്ഞോ വിന്‍ദാലും, ജെയിംസ്‌ മില്‍നര്‍ എന്നിവരാണു ഗോളടിച്ചത്‌. 29 വര്‍ഷത്തിനു ശേഷമാണു ലിവര്‍പൂള്‍ പ്രീമിയര്‍ ലീഗ്‌ കിരീടത്തിലേക്ക്‌ അടുക്കുന്നത്‌. ലിവര്‍പൂള്‍ സീസണില്‍ തുടര്‍ച്ചയായ ഒന്‍പത്‌ മത്സരങ്ങള്‍ ജയിച്ചു. വെള്ളിയാഴ്‌ച സ്വന്തം തട്ടകമായ ആന്‍ഫീല്‍ഡില്‍ നടക്കുന്ന മത്സരത്തില്‍ ലിവര്‍പൂള്‍ ഹഡേഴ്‌സ്ഫീല്‍ഡ്‌ ടൗണിനെ നേരിടും. മത്സരത്തില്‍ ജയിച്ചാല്‍ പോയിന്റ്‌ പട്ടികയില്‍ രണ്ടാംസ്‌ഥാനക്കാരായുമായുള്ള അകലം കൂട്ടാന്‍ ലിവര്‍പൂളിനാകും. <br />ശനിയാഴ്‌ച നടന്ന മത്സരത്തില്‍ ടോട്ടന്‍ഹാമിനെ ഏകപക്ഷീയമായ ഒരു ഗോളിനു തോല്‍പ്പിച്ച്‌ മാഞ്ചസ്‌റ്റര്‍ സിറ്റി ഒന്നാംസ്‌ഥാനത്തെത്തിയിരുന്നു. കാര്‍ഡിഫിനെ തറപറ്റിച്ചതോടെയാണു ലിവര്‍പൂള്‍ ഒന്നാംസ്‌ഥാനത്തു തിരിച്ചെത്തിയത്‌. ഞായറാഴ്‌ച നടന്ന മറ്റു മത്സരങ്ങളില്‍ എവര്‍ടണ്‍ മാഞ്ചസ്‌റ്റര്‍ യുണൈറ്റഡിനെ മറുപടിയില്ലാത്ത നാല്‌ ഗോളുകള്‍ക്കും ക്രിസ്‌റ്റല്‍ പാലസ്‌ 3-2 ന്‌ ആഴ്‌സണലിനെയും തോല്‍പ്പിച്ചു. <br />എവര്‍ടണ്‍ സ്വന്തം തട്ടകമായ ഗൂഡിസണ്‍ പാര്‍ക്കില്‍ നടന്ന മത്സരത്തിലാണു യുണൈറ്റഡിനെ തറപറ്റിച്ചത്‌. എവര്‍ടണ്‍ യുണൈറ്റഡിനെതിരേ നേടുന്ന ഏറ്റവും വലിയ ജയമാണിത്‌. ബാഴ്‌സലോണയോടു തോറ്റു ചാമ്പ്യന്‍സ്‌ ലീഗില്‍നിന്നു പുറത്തായി ദിവസങ്ങള്‍ക്കു ശേഷമാണു യുണൈറ്റഡ്‌ എവര്‍ടണിനോടും തോല്‍ക്കുന്നത്‌. ഒലെ ഗണ്ണാര്‍ സോള്‍ഷയര്‍ കോച്ചായ ശേഷം യുണൈറ്റഡ്‌ നേടുന്ന ഏറ്റവും വലിയ തോല്‍വികളിലൊന്നുമാണിത്‌. <br />റിച്ചാര്‍ലിസണ്‍, ഗില്‍ഫി സിഗുഡ്‌സണ്‍, ഡിഗ്‌നെ, തിയോ വാല്‍കോട്ട്‌ എന്നിവര്‍ എവര്‍ടണിനു വേണ്ടി ഗോളടിച്ചു. 34 കളികളില്‍നിന്ന്‌ 64 പോയിന്റുമായി ആറാംസ്‌ഥാനത്തേക്കു പിന്തള്ളപ്പെട്ട യുണൈറ്റഡിന്‌ അടുത്ത സീസണിലെ ചാമ്പ്യന്‍സ്‌ ലീഗ്‌ യോഗ്യതയും കിട്ടാക്കനിയാകും. സ്വന്തം തട്ടകമായ എമിറേറ്റ്‌സ് സ്‌റ്റേഡിയത്തിലാണ്‌ ആഴ്‌സണല്‍ ക്രിസ്‌റ്റല്‍ പാലസിനോടു തോറ്റത്‌. വില്‍ഫ്രഡ്‌ സാഹ, ക്രിസ്‌്റ്റ്യന്‍ ബെന്റകെ, മക്‌ആര്‍തര്‍ എന്നിവരാണു ക്രിസ്‌റ്റല്‍ പാലസിനു വേണ്ടി ഗോളടിച്ചത്‌. മെസ്യൂട്ട്‌ ഓസില്‍, പോള്‍ ഒബുമായെങ്‌ എന്നിവരാണ്‌ ആഴ്‌സണലിനു വേണ്ടി ഗോളടിച്ചത്‌.</p> http://www.mangalam.com/news/detail/303380-latest-news.html http://www.mangalam.com/uploads/thumbs/imagecache/400x241/uploads/news/2019/04/303380/s5.jpg http://www.mangalam.com/news/detail/303380-latest-news.html Tue, 23 Apr 2019 01:38:01 +0530 Tue, 23 Apr 2019 01:38:01 +0530 ഏഷ്യന്‍ അത്‌ലറ്റിക്‌ ചാമ്പ്യന്‍ഷിപ്പ്‌: ഗോമതിക്കും തേജീന്ദറിനും സ്വര്‍ണം <p>ദോഹ: ഏഷ്യന്‍ അത്‌ലറ്റിക്‌ ചാമ്പ്യന്‍ഷിപ്പില്‍ ഇന്ത്യക്ക്‌ ആദ്യ സ്വര്‍ണം. വനിതകളുടെ 800 മീറ്റര്‍ ഓട്ടത്തില്‍ ഗോമതി മാരിമുത്തുവാണു സ്വര്‍ണം നേടിയത്‌. ചാമ്പ്യന്‍ഷിപ്പിലെ ഇന്ത്യയുടെ ആദ്യ സ്വര്‍ണമാണു ഗോമതി ഓടിയെടുത്തത്‌. രണ്ട്‌ മിനിറ്റ്‌ 02.70 സെക്കന്‍ഡിലാണു ഗോമതി സ്വര്‍ണം നേടിയത്‌. <br />പിന്നാലെ തേജീന്ദര്‍ പാലിലൂടെ ഇന്ത്യ രണ്ടാമത്തെ സ്വര്‍ണം നേടി. പുരുഷ വിഭാഗം ഷോട്ട്‌പുട്ടില്‍ 20.22 മീറ്റര്‍ എറിഞ്ഞാണു തേജീന്ദര്‍ സ്വര്‍ണം നേടിയത്‌. മലയാളി താരം എം.പി. ജാബിര്‍ വെങ്കലം നേടിയിരുന്നു. 400 മീറ്റര്‍ ഹര്‍ഡില്‍സിലാണു ജാബിര്‍ വെങ്കലം നേടിയത്‌. മലയാളി താരം എം.പി. ജാബിര്‍ വെങ്കലം നേടിയിരുന്നു. 49.13 സെക്കന്‍ഡില്‍ ഓടിയെത്തിയ ജാബിര്‍ ലോക ചാമ്പ്യന്‍ഷിപ്പിനുള്ള യോഗ്യതയും ഉറപ്പാക്കി. 49.30 സെക്കന്‍ഡാണ്‌ ലോക ചാമ്പ്യന്‍ഷിപ്പിനുള്ള യോഗ്യതാ മാനദണ്ഡം. <br /> വനിതകളുടെ 400 മീറ്റര്‍ ഹര്‍ഡില്‍സില്‍ സരിതാബെന്‍ ഗെയ്‌ക്വാദും വെങ്കലം നേടി. 57.22 സെക്കന്‍ഡിലാണു സരിത ഫിനിഷ്‌ ചെയ്‌തത്‌. വനിതാ താരത്തിനു പക്ഷേ ലോക ചാമ്പ്യന്‍ഷിപ്പിനു യോഗ്യത നേടാനായില്ല. 56.00 സെക്കന്‍ഡായിരുന്നു യോഗ്യതാ മാനദണ്ഡം. <br />ഇന്ത്യ ഇതുവരെ ഒന്‍പത്‌ മെഡലുകള്‍ നേടി. രണ്ട്‌ സ്വര്‍ണവും രണ്ട്‌ വെള്ളിയും അഞ്ച്‌ വെങ്കലവുമാണ്‌ ഇന്ത്യ നേടിയത്‌. പുരുഷ വിഭാഗം 400 മീറ്റര്‍ ഓട്ടത്തില്‍ ആരോക്യ രാജീവ്‌ 45.37 സെക്കന്‍ഡുമായി നാലാം സ്‌ഥാനത്തും മുഹമ്മദ്‌ അനസ്‌ 46.10 സെക്കന്‍ഡുമായി എട്ടാം സ്‌ഥാനത്തും ഫിനിഷ്‌ ചെയ്‌തു. വനിതാ വിഭാഗം 100 മീറ്ററില്‍ ദ്യുതി ചന്ദ്‌ അഞ്ചാം സ്‌ഥാനത്താണു ഫിനിഷ്‌ ചെയ്‌തത്‌. 11.44 സെക്കന്‍ഡിലായിരുന്നു ദ്യുതി ഫിനിഷ്‌ ചെയ്‌തത്‌. ഹീറ്റ്‌സിലും സെമി ഫൈനലിലും ദ്യുതി ദേശീയ റെക്കോഡ്‌ തിരുത്തിയിരുന്നു. സെമിയില്‍ ദ്യുതി 11.26 സെക്കന്‍ഡിന്റെ പുതിയ ദേശീയ റെക്കോഡുമായാണു ഫൈനലില്‍ കടന്നത്‌. ഹീറ്റ്‌സില്‍ ഒന്നാംസ്‌ഥാനക്കാരിയായാണു ദ്യുതി കുതിച്ചത്‌. ഹീറ്റ്‌സിലും ദ്യുതി ദേശീയ റെക്കോഡ്‌ തിരുത്തിയിരുന്നു. <br />തന്റെ്‌ തന്നെ 11.29 സെക്കന്‍ഡിന്റെ ദേശീയ റെക്കോഡാണ്‌ ഒഡീഷക്കാരിയായ ദ്യുതി 11.28 സെക്കന്‍ഡാക്കി തിരുത്തിയത്‌. കഴിഞ്ഞ വര്‍ഷം നടന്ന ജക്കാര്‍ത്ത ഏഷ്യന്‍ ഗെയിംസില്‍ വെള്ളി നേടാന്‍ ദ്യുതി ചന്ദിനായി. 800 മീറ്ററില്‍ മുഹമ്മദ്‌ അഫ്‌സല്‍ എട്ടാമതാണു ഫിനിഷ്‌ ചെയ്‌തത്‌. <br />ഒരു മിനിറ്റ്‌ 54.68 സെക്കന്‍ഡിലാണ്‌ അഫ്‌സല്‍ ഫിനിഷ്‌ ചെയ്‌തത്‌. ഇതേയിനത്തില്‍ മെഡല്‍ പ്രതീക്ഷയായിരുന്ന ജിന്‍സണ്‍ ജോണ്‍സണിനു ഫിനിഷ്‌ ചെയ്യാനായില്ല. കാലിന്റെ പേശികള്‍ക്കു പരുക്കേറ്റതിനെ തുടര്‍ന്നു ജിന്‍സണ്‍ മത്സരത്തിനിടെ പിന്മാറി. ഒന്നാം ദിവസം ഇന്ത്യക്കു വേണ്ടി വനിതകളുടെ ജാവലിന്‍ ത്രോയില്‍ അന്നു റാണി 60.22 മീറ്ററിന്റെ ദൂരവുമായി വെള്ളി നേടി.</p> http://www.mangalam.com/news/detail/303382-latest-news.html http://www.mangalam.com/uploads/thumbs/imagecache/400x241/uploads/news/2019/04/303382/s2.jpg http://www.mangalam.com/news/detail/303382-latest-news.html Tue, 23 Apr 2019 01:39:37 +0530 Tue, 23 Apr 2019 01:39:37 +0530 ഡല്‍ഹി ക്യാപ്പിറ്റല്‍സിന്‌ വിജയം <p>ജയ്‌പ്പുര്‍: ഡല്‍ഹി ക്യാപ്പിറ്റല്‍സിനെതിരായ ഐ.പി.എല്‍. ക്രിക്കറ്റ്‌ മത്സരത്തില്‍ രാജസ്‌ഥാന്‍ റോയല്‍സിനു തോല്‍വി. ആദ്യം ബാറ്റുചെയ്‌ത രാജസ്‌ഥാന്‍ നിശ്‌ചിത ഓവറില്‍ ആറു വിക്കറ്റ്‌ നഷ്‌ടത്തില്‍ 191 റണ്‍സെടുത്തു. സെഞ്ച്വുറി നേടിയ അജിന്‍ക്യ രഹാനെയും അര്‍ധസെഞ്ച്വുറി നേടിയ നായകന്‍ സ്‌റ്റീവ്‌ സ്‌മിത്തും ടീമിനെ മികച്ച സ്‌കോറിലെത്തിച്ചു. സഹ ഓപ്പണര്‍ സഞ്‌ജു സാംസണ്‍ ഒരു പന്ത്‌ പോലും നേരിടാതെ റണ്ണൗട്ടായി. ബെന്‍ സ്‌റ്റോക്‌സ് (എട്ട്‌), ആഷ്‌ലെ ടേണര്‍ (0), സ്‌റ്റുവര്‍ട്ട്‌ ബിന്നി (19), പരാഗ്‌ (നാല്‌) എന്നിവരെ പുറത്താക്കാന്‍ ക്യാപ്പിറ്റല്‍സിനായി. കാഗിസോ റബാഡ രണ്ട്‌ വിക്കറ്റും ഇഷാന്ത്‌ ശര്‍മ, അക്ഷര്‍ പട്ടേല്‍, ക്രിസ്‌ മോറിസ്‌ എന്നിവര്‍ ഒരു വിക്കറ്റ്‌ വീതവുമെടുത്തു. മറുപടി ബാറ്റിങ്ങിനിറങ്ങിയ ഡല്‍ഹി 19.2 ഓവറില്‍ ലക്ഷ്യം നേടി. 78 റണ്‍സെടുത്ത റിഷഭ്‌ പന്തും 54 റണ്‍സെടുത്ത ധവാനും ഡല്‍ഹിയെ വിജയത്തിലെത്തിച്ചു.</p> http://www.mangalam.com/news/detail/303381-latest-news.html http://www.mangalam.com/uploads/thumbs/imagecache/400x241/uploads/news/2019/04/303381/s1.jpg http://www.mangalam.com/news/detail/303381-latest-news.html Tue, 23 Apr 2019 01:40:08 +0530 Tue, 23 Apr 2019 01:40:08 +0530