Monday, May 20, 2019 Last Updated 12 Min 51 Sec ago English Edition
Todays E paper
Ads by Google
Wednesday 13 Mar 2019 01.37 AM

എസ്‌.എസ്‌.എല്‍.സി. പരീക്ഷ ഇന്നു തുടങ്ങും

uploads/news/2019/03/294132/v2.jpg

തിരുവനന്തപുരം: എസ്‌.എസ്‌.എല്‍.സി, ടി.എച്ച്‌.എസ്‌.എല്‍.സി, എ.എച്ച്‌.എസ്‌.എല്‍.സി. പരീക്ഷകള്‍ ഇന്നാരംഭിക്കും. ഈ മാസം 28 വെരയാണ്‌ പരീക്ഷ. സംസ്‌ഥാനത്ത്‌ 2,923 കേന്ദ്രങ്ങളിലും ലക്ഷദ്വീപിലെ ഒമ്പത്‌ കേന്ദ്രങ്ങളിലും ഗള്‍ഫ്‌ മേഖലയിലെ ഒമ്പത്‌ കേന്ദ്രങ്ങളിലുമായി 4,35,142 വിദ്യാര്‍ഥികള്‍ റഗുലര്‍ വിഭാഗത്തില്‍ പരീക്ഷയെഴുതും.
ഇതില്‍ 2,22,527 ആണ്‍കുട്ടികളും 2,12,615 പെണ്‍കുട്ടികളും ആണ്‌. സര്‍ക്കാര്‍ സ്‌കൂളുകളിലെ 1,42,033 കുട്ടികളും എയ്‌ഡഡ്‌ സ്‌കൂളുകളിലെ 2,62,125 കുട്ടികളും അണ്‍ എയിഡഡ്‌ സ്‌കൂളുകളിലെ 30,984 കുട്ടികളും പരീക്ഷയെഴുതും. ഗള്‍ഫ്‌ മേഖലയില്‍ 495 കുട്ടികളും ലക്ഷദ്വീപ്‌ മേഖലയില്‍ 682 പേരും പരീക്ഷയെഴുതുന്നു. ഇവര്‍ക്കു പുറമേ ്രൈപവറ്റ്‌ വിഭാഗത്തില്‍ ന്യൂ സ്‌കീമില്‍ (പി.സി.എന്‍) 1,867 പേരും ഓള്‍ഡ്‌ സ്‌കീമില്‍ (പി.സി.ഒ) 333 പേരും പത്താം ക്ലാസ്‌ പരീക്ഷ എഴുതുന്നുണ്ട്‌.
മലപ്പുറം റവന്യൂ ജില്ലയിലെ മലപ്പുറം വിദ്യാഭ്യാസ ജില്ലയിലാണ്‌ ഏറ്റവും കൂടുതല്‍ പേര്‍ പരീക്ഷ എഴുതുന്നത്‌, 27,436 പേര്‍. ഏറ്റവും കുറച്ച്‌ പേര്‍ പരീക്ഷ എഴുതുന്നത്‌ ആലപ്പുഴ റവന്യൂ ജില്ലയിലെ കുട്ടനാട്‌ വിദ്യാഭ്യാസ ജില്ലയിലാണ്‌, 2,114 വിദ്യാര്‍ഥികള്‍.
ഏറ്റവും കൂടുതല്‍ പേര്‍ പരീക്ഷ എഴുതുന്ന കേന്ദ്രം തിരൂരങ്ങാടി വിദ്യാഭ്യാസ ജില്ലയിലെ എടരിക്കോട്‌ പി.കെ.എം.എം.എച്ച്‌.എസ്‌. ആണ്‌. ഇവിടെ 2,411 പേര്‍ പരീക്ഷ എഴുതും. ഏറ്റവും കുറച്ച്‌ വിദ്യാര്‍ത്ഥികള്‍ പരീക്ഷയ്‌ക്ക്‌ ഹാജരാകുന്നത്‌ തിരുവല്ല വിദ്യാഭ്യാസ ജില്ലയിലെ പെരിങ്ങര ഗവണ്‍മെന്റ്‌ ഗേള്‍സ്‌ എച്ച്‌.എസിലാണ്‌. രണ്ടു പേരാണ്‌ ഇവിടെ പരീക്ഷ എഴുതുക.
ടി.എച്ച്‌.എസ്‌.എല്‍.സി. വിഭാഗത്തില്‍ ഇത്തവണ 48 പരീക്ഷാ കേന്ദ്രങ്ങളിലായി 3,212 വിദ്യാര്‍ഥികള്‍ പരീക്ഷ എഴുതും. 2,957 ആണ്‍കുട്ടികളും 255 പെണ്‍കുട്ടികളും. എ.എച്ച്‌.എസ്‌.എല്‍.സി. വിഭാഗത്തില്‍ ഒരു പരീക്ഷാകേന്ദ്രമാണുള്ളത്‌. ചെറുതുരുത്തി കലാമണ്ഡലം ആര്‍ട്ട്‌ ഹയര്‍ സെക്കന്‍ഡറി സ്‌കൂളില്‍ 82 പേര്‍ പരീക്ഷയെഴുതും. എസ്‌.എസ്‌.എല്‍.സി (ഹിയറിങ്‌ ഇംപയേര്‍ഡ്‌) വിഭാഗത്തില്‍ 29 പരീക്ഷാ കേന്ദ്രങ്ങളിലായി 284 പേരും ടി.എച്ച്‌.എസ്‌.എല്‍.സി (ഹിയറിങ്‌ ഇംപയേര്‍ഡ്‌) വിഭാഗത്തില്‍ ഒരു പരീക്ഷ കേന്ദ്രത്തില്‍ 14 പേരും പരീക്ഷയെഴുതും.
ഉത്തരക്കടലാസുകളുടെ മൂല്യനിര്‍ണയം 54 കേന്ദ്രീകൃത മൂല്യനിര്‍ണയ ക്യാമ്പുകളിലായി ഏപ്രില്‍ അഞ്ചു മുതല്‍ മേയ്‌ രണ്ടു വരെ രണ്ടു ഘട്ടങ്ങളില്‍ നടക്കും. ആദ്യഘട്ടം ഏപ്രില്‍ അഞ്ചിന്‌ ആരംഭിച്ച്‌ ഏപ്രില്‍ 13ന്‌ അവസാനിക്കും. രണ്ടാം ഘട്ടം ഏപ്രില്‍ 25ന്‌ ആരംഭിക്കും. മൂല്യനിര്‍ണയ ക്യാമ്പുകളിലേക്കുള്ള ചീഫ്‌ എക്‌സാമിനര്‍മാരുടെയും അസിസ്‌റ്റന്റ്‌ എക്‌സാമിനര്‍മാരുടെയും നിയമന ഉത്തരവുകള്‍ 29 മുതല്‍ പരീക്ഷാഭവന്റെ വെബ്‌സൈറ്റില്‍ ലഭിക്കും. കേന്ദ്രീകൃത മൂല്യനിര്‍ണയത്തിന്‌ മുന്നോടിയായുള്ള സ്‌കീം ഫൈനലൈസേഷന്‍ ക്യാമ്പുകള്‍ ഏപ്രില്‍ രണ്ട്‌, മൂന്ന്‌ തിയതികളില്‍ 12 സ്‌കൂളുകളിലായി നടക്കും.

Ads by Google
Wednesday 13 Mar 2019 01.37 AM
YOU MAY BE INTERESTED
Ads by Google
Loading...
TRENDING NOW