Tuesday, June 18, 2019 Last Updated 0 Min 11 Sec ago English Edition
Todays E paper
Ads by Google
Wednesday 21 Nov 2018 11.31 AM

വാട്ടിയ വാഴയിലയിലെ ആ പൊതിച്ചോര്‍ ഗന്ധം സ്‌കൂള്‍ ചുവരുകള്‍ക്ക് അന്യമാകുന്നു... സ്‌കൂളുകളില്‍ പൊതിച്ചോര്‍ പാടില്ലെന്ന് നിയമം

uploads/news/2018/11/266590/pothichor.jpg

കൊച്ചി: സ്‌കൂളുകള്‍ക്ക് ഇനി പൊതിച്ചോര്‍ അന്യമാകും. ഹരിത പെരുമാറ്റച്ചട്ടത്തിന്റെ ഭാഗമായി സ്‌കൂളില്‍ പൊതിച്ചോര്‍ കൊണ്ടുവരരുതെന്നു പൊതുവിദ്യാഭ്യാസ ഡയറക്ടര്‍ നിര്‍ദേശം നല്‍കി. ഇനി മുതല്‍ സ്റ്റീല്‍ ടിഫിന്‍ ബോക്സ് മാത്രം മതിയെന്നാണ് പുതിയ നിയമം. സ്‌കൂളിലെ പൊതുവേദിയില്‍ അതിഥികള്‍ക്ക് ഭക്ഷണപദാര്‍ഥങ്ങള്‍ വിതരണം ചെയ്യരുതെന്നും നിര്‍ദേശത്തിലുണ്ട്.

ചില സ്‌കൂളുകള്‍ ഹരിത പെരുമാറ്റച്ചട്ടം പാലിക്കുന്നില്ലെന്ന് കണ്ടെത്തിയതിനെ തുടര്‍ന്നാണ് മാറ്റങ്ങള്‍ വരുത്തുന്നത്. സ്‌കൂളുകളില്‍ നടക്കുന്ന യോഗങ്ങളില്‍ പ്ലാസ്റ്റിക് കുപ്പികള്‍, പ്ലാസ്റ്റിക് കാരി ബാഗുകള്‍, പേപ്പര്‍ കപ്പുകള്‍ എന്നിവ ഉപയോഗിക്കരുത്. പകരം സ്റ്റീല്‍/കുപ്പി ഗ്ലാസുകള്‍ ഉപയോഗിക്കണം. പ്ലാസ്റ്റിക്കില്‍ പൊതിഞ്ഞ ബൊക്കെ, പ്ലാസ്റ്റിക്/ഫ്ളെക്സ് ഉപയോഗിച്ചുള്ള ബാനറുകള്‍, കൊടിതോരണങ്ങള്‍ എന്നിവ പൂര്‍ണമായും ഒഴിവാക്കണം. സ്റ്റീല്‍ കുപ്പികളില്‍ കുടിവെള്ളം കൊണ്ടുവരാന്‍ കുട്ടികളെ പ്രേരിപ്പിക്കണം.

സ്‌കൂള്‍ വളപ്പില്‍ പ്ലാസ്റ്റിക് കാരി ബാഗുകളോ പ്ലാസ്റ്റിക് കുപ്പികളോ കൊണ്ടുവരരുത്. ഉപയോഗിച്ച് വലിച്ചെറിയുന്ന പേനകളുടെ ഉപയോഗം നിരുത്സാഹപ്പെടുത്തണം. സ്‌കൂളില്‍ ജൈവ, അജൈവ മാലിന്യങ്ങള്‍ വേര്‍തിരിച്ച് സൂക്ഷിക്കാനും സംസ്‌കരിക്കാനുമുള്ള സംവിധാനം വേണം. ശുചിമുറികളില്‍ ജലലഭ്യത ഉറപ്പാക്കണം. ആരോഗ്യകരമായ ജല ഉപയോഗ സംസ്‌കാരം കുട്ടികളില്‍ വളര്‍ത്താന്‍ ബോധവല്‍കരണം നല്‍കണം. ശുദ്ധമായ കുടിവെള്ളം ലഭ്യമാക്കണമെന്നും നിര്‍ദേശമുണ്ട്.

Ads by Google
Ads by Google
Loading...
TRENDING NOW