Saturday, July 21, 2018 Last Updated 5 Min 43 Sec ago English Edition
Todays E paper
Ads by Google
Wednesday 04 Jul 2018 04.09 PM

നടുവേദന ഒഴിവാക്കാന്‍ ശ്രദ്ധിക്കേണ്ട കാര്യങ്ങള്‍

''80 ശതമാനം നടുവേദനയും പെട്ടെന്ന് ഉണ്ടാകുന്നവയല്ല. ചെറിയ ക്ഷതങ്ങള്‍ നടുവിന്റെ പേശികള്‍ക്കോ ലിഗ്‌മെന്റിനോ ഡിസ്‌കിനോ മിക്കപ്പോഴും സംഭവിക്കാറുണ്ട്. ഇത് പിന്നീട് നടുവേദനയായി മാറുകയാണ് പതിവ്''
uploads/news/2018/07/230770/backpain040718.jpg

നടുവേദന വന്നിട്ട് ചികിത്സതേടി അലയുന്നതിനു പകരം നടുവേദന ഉണ്ടാകാതെ ശ്രദ്ധിക്കുകയാണ്് വേണ്ടത്. 80 ശതമാനം നടുവേദനയും പെട്ടെന്ന് ഉണ്ടാകുന്നവയല്ല.

ചെറിയ ക്ഷതങ്ങള്‍ നടുവിന്റെ പേശികള്‍ക്കോ ലിഗ്‌മെന്റിനോ ഡിസ്‌കിനോ മിക്കപ്പോഴും സംഭവിക്കാറുണ്ട്. ഇത് പിന്നീട് നടുവേദനയായി മാറുകയാണ് പതിവ്. നടുവേദന ഉണ്ടാകാതിരിക്കാന്‍ നിത്യ ജീവിതത്തില്‍ ചില കാര്യങ്ങള്‍ ശ്രദ്ധിക്കുന്നത് നന്ന്.

1. വ്യായാമക്കുറവാണ് നടുവേദനയ്ക്ക് ഒരു പ്രധാന കാരണം. ശരീരം അനങ്ങാതിരുന്നാല്‍ നടുവേദനയ്ക്ക് സാധ്യത കൂടുതലാണ്. ദിവസേന അരമണിക്കൂറെങ്കിലും നടക്കണം. അല്ലെങ്കില്‍ നീന്തല്‍, ജോഗിംങ് ഇവയിലേതെങ്കിലും ശീലിക്കുന്നതും നല്ലതാണ്.

2. കിടപ്പിലും കാര്യമുണ്ട്. നമ്മുടെ കിടപ്പിന്റെ പ്രത്യേകത ചിലപ്പോള്‍ നടുവേദനയെ ക്ഷണിച്ചു വരുത്തിയേക്കാം. കിടക്കുമ്പോള്‍ ഉറപ്പുള്ളതും നിരപ്പായതുമായ തലങ്ങളില്‍ കിടന്നുറങ്ങുക. തലയിണ ഉപയോഗിക്കാതിരിക്കുന്നതാണ് ഉത്തമം. മെത്ത കൂടുതല്‍ മൃദുവാകാത്തത് വേണം. കിടക്ക നട്ടെല്ലിന്റെ സ്വാഭാവികമായ വളവുകളെ ബലപ്പെടുത്തുന്നതായിരിക്കണം.

3. ഇരുന്ന് ജോലി ചെയ്യുന്നവര്‍ ഒരു മണിക്കൂറെങ്കിലും ഇടവിട്ട് നീണ്ടു നിവരുകയും ചെറുതായി നടക്കുകയും ചെയ്യുക. ഒരേ രീതിയില്‍ ദീര്‍ഘനേരം ഇരുന്ന് ജോലി ചെയ്യാതിരിക്കണം. പേശികള്‍ക്ക് സദാ വ്യായാമം ലഭിക്കണം.

4. കിടന്നിട്ട് എഴുന്നേല്‍ക്കുമ്പോള്‍ ഒരു വശം തിരിഞ്ഞ് എഴുന്നേല്‍ക്കാന്‍ ശ്രദ്ധിക്കണം. നേരെ മുന്നിലേക്ക് എഴുന്നേല്‍ക്കുമ്പോള്‍ നടുവിന് കൂടുതല്‍ ആയാസം ഉണ്ടാകുന്നു.

uploads/news/2018/07/230770/backpain040718a.jpg

5. ഭാരമെടുക്കുമ്പോള്‍ രണ്ടു മുട്ടും മടക്കി നടുവ് കുനിയാതെ ഭാരം ശരീരത്തോട് പരമാവധി ചേര്‍ത്ത് പിടിച്ച് എടുക്കുക. അല്ലാത്ത പക്ഷം ശരീരം ഭാരത്തിനൊപ്പം മുന്നോട്ട് വളയുകയും നടുവിന് തകരാര്‍ സംഭവിക്കാനിടവരികയും ചെയ്യും

6. കൂടുതല്‍ നേരം അടുക്കളയില്‍ നിന്ന് പാത്രം കഴുകുകയും പച്ചക്കറി നുറുക്കുകയും ചെയ്യുമ്പോള്‍ ഒരു ചെറിയ പടിയില്‍ ഒരു കാല്‍ കയറ്റിവച്ച് നില്‍ക്കുന്നത് നല്ലതാണ്.

7. ഓഫീസില്‍ ജോലിക്കിടയിലും കംപ്യൂട്ടറിന്റെ മുന്നിലിരിക്കുമ്പോഴും പരമാവധി നിവര്‍ന്നിരിക്കുക. കൈകള്‍ക്കും താങ്ങ് ഉണ്ടാകുന്നത് നന്ന്. കംപ്യൂട്ടറിന്റെ മോനിട്ടര്‍, മുന്നിലിരിക്കുന്ന ആളിന്റെ കണ്ണിന്റെ ലവലിന് മുകളിലായിരിക്കണം. ഇത് കഴുത്തും നടുവും നിവര്‍ന്നിരിക്കാന്‍ സഹായിക്കും.

8. വാഹനം ഓടിക്കുമ്പോള്‍ നിവര്‍ന്നിരുന്ന് ഓടിക്കണം. ഇടുപ്പും മുട്ടും സമാന്തരമാകത്തക്ക വിധം സീറ്റ് ക്രമീകരിക്കണം. നടുവിന്റെ സംരക്ഷണത്തിനായി ഒരു ലുമ്പാര്‍ സപ്പോര്‍ട്ട് ഉപയോഗിക്കാം. ബൈക്ക് ഓടിക്കുമ്പോള്‍ നിവര്‍ന്നിരുന്നു മാത്രം ഓടിക്കണം.

9. പരമാവധി ഹീല്‍ കുറഞ്ഞ ഷൂസുകളും ചെരിപ്പുകളും ധരിക്കുക. അതേ സമയം ഷൂസില്‍ ഇന്‍ സോള്‍ ഉപയോഗിക്കുന്നതില്‍ തെറ്റില്ല.

10. പരിചയമില്ലാത്ത രീതികളില്‍ സെക്‌സിലേര്‍പ്പെടാതിരിക്കുക. ഇത് നടുവിന് കൂടുതല്‍ ആയാസം ഉണ്ടാക്കും.

Ads by Google
Ads by Google
Loading...
TRENDING NOW