Friday, November 16, 2018 Last Updated 6 Min 34 Sec ago English Edition
Todays E paper
Ads by Google
Monday 02 Jul 2018 06.40 PM

ഒരു രൂപ കുടിശ്ശികയുടെ പേരില്‍ ഉപഭോക്താവിനെ വട്ടംകറക്കി ബാങ്ക്; ഈട് നല്‍കിയ 17 പവന്‍ സ്വര്‍ണ്ണം കൊടുത്തില്ല

uploads/news/2018/07/230224/one-rupee.jpg

ചെന്നൈ : ഒരു രൂപ കുടിശ്ശികയുടെ പേരില്‍ ഉപഭോക്താവിനെ വട്ടം കറക്കി ബാങ്ക്. സ്വര്‍ണം പണയം വച്ചെടുത്ത വായ്പ തുക പലിശ സഹിതം തിരിച്ചടച്ചു. പക്ഷേ ഒരു രൂപ കുടിശ്ശികയുണ്ടെന്ന കാരണം പറഞ്ഞാണ് ഈട് നല്‍കിയ 17 പവന്‍ സ്വര്‍ണ്ണം ഉപഭോക്താവിനു തിരികെ നല്‍കാന്‍ ബാങ്ക് തയ്യാറാകാതിരുന്നത്. 138 ഗ്രാം സ്വര്‍ണ്ണമാണ് ഒരു രൂപയുടെ കുടിശ്ശിക ഉന്നയിച്ച് തിരികെ കൊടുക്കാതിരുന്നത്.

2010 ഏപ്രിലിലായിരുന്നു കേസിന് ആസ്പദമായ കാര്യങ്ങള്‍ നടന്നത്. 3.50 ലക്ഷം രൂപയുടെ സ്വര്‍ണ്ണമാണ് 1.23 ലക്ഷം രൂപയ്ക്ക് തമിഴ്നാട്ടിലെ കാഞ്ചിപുരം സെന്‍ട്രല്‍ കോ-ഓപ്പറേറ്റിവ് ബാങ്കിന്റെ പല്ലാവരം ബ്രാഞ്ചില്‍ സി കുമാര്‍ എന്നയാള്‍ പണയപ്പെടുത്തിയത്. വായ്പ എടുത്ത തുകയുടെ പലിശയടക്കം അടച്ച് സ്വര്‍ണ്ണം തിരികെ എടുക്കാന്‍ ബാങ്കിനെ സമീപിച്ചു. എന്നാല്‍ വായ്പ തിരിച്ചടവില്‍ ഒരു രൂപയുടെ കുറവുണ്ട് എന്ന വാദം ഉന്നയിച്ച് ഇയാള്‍ ഈടായി നല്‍കിയ സ്വര്‍ണ്ണം തിരിക നല്‍കാന്‍ ബാങ്ക് തയാറായില്ല. മാത്രമല്ല ഇയാളില്‍ നിന്നു ബാങ്ക് കുടിശ്ശികയായി പറയുന്ന ഒരു രൂപ അടയ്ക്കാന്‍ തയ്യാറായിട്ടും അത് സ്വീകരിച്ചില്ല എന്നും ആരോപണമുണ്ട്.

കഴിഞ്ഞ അഞ്ചുവര്‍ഷമായി ഈടു നല്‍കിയ 138 ഗ്രാം സ്വര്‍ണ്ണം (17 പവന്‍) തിരികെ കിട്ടാന്‍ കുമാര്‍ ബാങ്ക് ശാഖയില്‍ കയറിയിറങ്ങുകയാണ് ഇദ്ദേഹം. അവസാനം ഒരു രൂപയുടെ പേരില്‍ സ്വര്‍ണം മടക്കിനല്‍കാത്തതിനെതിരെ മദ്രാസ് ഹൈക്കോടതിയെ സമീപിച്ചു. കേസില്‍ പരാതിക്കാരന്റെ വാദം കേട്ട കോടതി രണ്ട് ആഴ്ചയ്ക്കുള്ളില്‍ അധികൃതരില്‍ നിന്നുള്ള നിര്‍ദേശം അറിയിക്കാന്‍ ഉത്തരവിട്ടു

Ads by Google
Ads by Google
Loading...
LATEST NEWS
TRENDING NOW