Thursday, November 15, 2018 Last Updated 10 Min 1 Sec ago English Edition
Todays E paper
Ads by Google
Wednesday 11 Apr 2018 03.24 PM

കോമിക്കോള

സൂപ്പര്‍ ജോക്ക്
uploads/news/2018/04/208088/weeklyjokes110418.jpg

ഭാര്യ ഭര്‍ത്താവിനോട്:
''എന്റെ അനുജത്തിയുടെ കല്യാണം ഏതോ ഒരുത്തന്‍ മുടക്കി. എന്റെ ദൈവമേ അവന്‍ വണ്ടികേറി ചാവണേ....''
ഭര്‍ത്താവ്: ''നിന്റെ അനുജത്തിയുടെ കല്യാണമോ മുടങ്ങി. ഇനി ഈ ശാപമെങ്ങാനും ഫലിച്ചാല്‍ നീയൊരു വിധവയായിത്തീരും, പറഞ്ഞേക്കാം.''
- ജിപ്‌സണ്‍, മട്ടാഞ്ചേരി

******

ഡോക്ടര്‍ രോഗിയോട്:
''നിങ്ങളുടെ തല സ്‌കാന്‍ ചെയ്തപ്പോള്‍ തലച്ചോറില്‍ ഒരു ക്ഷതം കാണുന്നുണ്ട്. തലയടിച്ചു വീണിട്ടുണ്ടോ?''
രോഗി: ''ഇല്ല.''
ഡോക്ടര്‍: ''തലയ്ക്കടിയെങ്കിലും കിട്ടാതെ ഇങ്ങനെയൊരു ക്ഷതം സംഭവിക്കില്ല.''
രോഗി: ''എന്നാല്‍ അതെന്റെ കല്യാണത്തിനായിരിക്കും. അത് 'തലയ്ക്കടി' കിട്ടിയപോലെ ഒരു സംഭവമായിരുന്നു.''
- ശ്രീകുമാര്‍, ചേര്‍ത്തല

*****
കുട്ടിയെയുംകൊണ്ട് ബസില്‍ കയറിയ സ്ത്രീയോട് കണ്ടക്ടര്‍:
''കുട്ടിക്ക് ടിക്കറ്റെടുക്കണം. ആറുവയസായില്ലേ?''
സ്ത്രീ: ''ഇല്ല.''
കണ്ടക്ടര്‍: ''ഇനി എപ്പോഴാണ് ആവുക?''
സ്ത്രീ: ''ബസില്‍നിന്ന് ഇറങ്ങിയാലുടന്‍.''
- കണ്ണന്‍, പട്ടാഴി

uploads/news/2018/04/208088/weeklyjokes110418a.jpg

ബാങ്ക് മാനേജര്‍ സുഹൃത്തിനോട്:
''ഞങ്ങളുടെ ബാങ്ക് ഒരു കാഷ്യറെ അന്വേഷിക്കുകയാ...''
സുഹൃത്ത്: ''കഴിഞ്ഞയാഴ്ചയല്ലേ നിങ്ങളൊരു കാഷ്യറെ നിയമിച്ചത്.''
ബാങ്ക് മാനേജര്‍: '' അയാളെത്തന്നെയാ അന്വേഷിച്ചുകൊണ്ടിരിക്കുന്നത്.''
- രാജീവ്, കുമളി

*****
അത്യാഹിത വിഭാഗത്തിലെത്തിയ രോഗിയോട് ഡോക്ടര്‍:
''ആരാണ് നിങ്ങളെ വടിവാളിന് അരയ്ക്കു വെട്ടിയത്?''
രോഗി: ''ആരും വെട്ടിയതല്ല. മന്ത്രി പറഞ്ഞതുകേട്ട് മുണ്ടുമുറുക്കി ഉടുത്തുടുത്ത് മുറിഞ്ഞുപോയതാ...''
- ശ്രീജിത്, കോട്ടയം

*********
കാമുകന്‍ കാമുകിയോട്:
''നമ്മുടെ വിവാഹം കഴിഞ്ഞാല്‍ പുതിയ വീടെടുത്ത് മാറിത്താമസിക്കണമെന്നു മാത്രം നീ പറയരുത്.''
കാമുകി: ''ഒരിക്കലുമില്ല. ഞാന്‍ അത്ര മനസാക്ഷിയില്ലാത്തവളൊന്നുമല്ല. നിങ്ങളുടെ അമ്മയോട് മാറിത്താമസിക്കാന്‍ പറഞ്ഞാമതി.''
- അശോക്, പന്തളം

uploads/news/2018/04/208088/weeklyjokes110418b.jpg

ഭര്‍ത്താവ് അസമയത്ത് കള്ളുകുടിച്ചിട്ടു വന്ന് കതകില്‍ മുട്ടി.
ഭാര്യ വാതില്‍ തുറന്നില്ല.
ഭര്‍ത്താവ്: ''നീ തുറന്നില്ലേല്‍ ഞാന്‍ കിണറ്റില്‍ ചാടി ചാകും.''
ഭാര്യ: ''ങാ... നിങ്ങള്‍ എന്തേലും ചെയ്യ്.''
അല്‍പ്പനേരം കഴിഞ്ഞ് ഭര്‍ത്താവ് ഒരു കല്ലെടുത്ത് കിണറ്റിലിട്ടിട്ട് മാറിനിന്നു.
ശബ്ദം കേട്ട ഭാര്യ ''ചതിച്ചോ ദൈവമേ...'' എന്നു പറഞ്ഞുകൊണ്ട് കതകു തുറന്ന് പുറത്തേക്കോടി.
ഈ സമയത്ത് ഭര്‍ത്താവ് അകത്തുകയറി വാതിലടച്ചു.
ഇളിഭ്യയായ ഭാര്യ ആക്രോശിച്ചു: ''തുറക്ക് മനുഷ്യാ... അല്ലെങ്കില്‍ ഞാനിപ്പോ നാട്ടുകാരെ വിളിച്ചുകൂട്ടും.''
ഭര്‍ത്താവ് പൊട്ടിച്ചിരിച്ചു:
''നീ വിളിക്കെടീ... നാട്ടുകാരുടെ മുന്നില്‍വച്ചു ഞാന്‍ ചോദിക്കും, നീ ഇത്രയും സമയം എവിടാരുന്നെന്ന്.''

Ads by Google
Ads by Google
Loading...
TRENDING NOW