Monday, June 25, 2018 Last Updated 2 Min 14 Sec ago English Edition
Todays E paper
Ads by Google
Tuesday 13 Mar 2018 05.32 PM

ഹാക്കിംഗ്‌വഴി തട്ടിയെടുത്തത് കോടികള്‍, ബാങ്കുകളെ വട്ടംചുറ്റിച്ച 'ഡോണ്‍' പിടിയില്‍; തട്ടിപ്പിന്റെ വഴികള്‍കണ്ട് അമ്പരന്ന് 5 സംസ്ഥാനങ്ങളിലെ പോലീസ്

Hacking Done
പ്രതി ദീപക് സേത്തിയ

തൃശൂര്‍: തൃശൂരിലെ സ്വകാര്യ കമ്പനിയുടെ കാത്തലിക് സിറിയന്‍ ബാങ്കിന്റെ ബാങ്ക് അക്കൗണ്ടുകളും, മെയിലുകളും കമ്പനിയുടെ മെയിലുകളും ഹാക്ക് ചെയ്തു ഓണ്‍ലൈന്‍ തട്ടിപ്പിലൂടെ കോടികള്‍ തട്ടിയെടുക്കുന്ന അന്തര്‍സംസ്ഥാന സംഘത്തിന്റെ തലവനെ തൃശൂര്‍ സിറ്റി ഈസ്റ്റ് പോലീസിന്റെ നേതൃത്വത്തിലുള്ള പ്രത്യേക അന്വേഷണസംഘം അറസ്റ്റ് ചെയ്തു. രാജസ്ഥാന്‍ ഉദയപൂര്‍ സ്വദേശിയായ ഓണ്‍ലൈന്‍ തട്ടിപ്പുകാര്‍ക്കിടയില്‍ 'ഡോണ്‍' എന്നറിയപ്പെടുന്ന വിവിധ സംസ്ഥാനങ്ങളിലെ പോലീസ് അന്വേഷിക്കുന്ന പിടികിട്ടാപ്പുള്ളി ദീപക് സേത്തിയയാ(36) ണ് അറസ്റ്റിലായത്.

2017 ഓഗസ്റ്റ് ഏഴിനു സ്വകാര്യ കമ്പനിയുടെ പണമിടപാടുകള്‍ നടത്തുന്ന കാത്തലിക് സിറിയന്‍ ബാങ്കിലേക്ക് അയച്ച ഇ മെയിലുകള്‍ ഹാക്ക് ചെയ്യുകയും, കമ്പനി അയച്ച മെയിലുകളില്‍ തിരുത്തലുകള്‍ വരുത്തി കമ്പനിയുടെ അക്കൗണ്ടില്‍ നിന്നും ആറുലക്ഷത്തോളം രൂപ കമ്പനിയെയും, ബാങ്കിനെയും ഓണ്‍ലൈനിലൂടെ കബളിപ്പിച്ച് തട്ടിയെടുക്കുകയായിരുന്നു പ്രതി. പിന്നീട് വീണ്ടും മൂന്നുകോടിയോളം രൂപ തട്ടിയെടുക്കാന്‍ ശ്രമിച്ചെങ്കിലും ബാങ്കിന് മെയിലുകളില്‍ സംശയം തോന്നുകയും, കമ്പനിയെ അറിയിക്കുകയും ചെയ്തപ്പോഴാണ് തട്ടിപ്പ് വ്യക്തമായത്. സ്വകാര്യ കമ്പനിയും കാത്തലിക് സിറിയന്‍ ബാങ്കും സംയുക്തമായി പോലീസിനെ വിവരം അറിയിക്കുകയും, തൃശൂര്‍ ഈസ്റ്റ് പോലീസ് തട്ടിപ്പിന് കേസെടുക്കുകയും തൃശൂര്‍ ഈസ്റ്റ് സി.ഐയുടെ നേതൃത്വത്തില്‍ പ്രത്യേക അന്വേഷണസംഘം രൂപീകരിച്ച് അന്വേഷണം ആരംഭിക്കുകയും ചെയ്തിരുന്നു. കേസിന്റെ അന്വേഷണത്തില്‍ ഇക്കഴിഞ്ഞ ഒകേ്ടാബര്‍ മാസം ഓണ്‍ ലൈന്‍ തട്ടിപ്പുസംഘത്തില്‍ ഉള്‍പ്പെട്ട രണ്ടുപേരെ മുംബൈയില്‍ നിന്നും പിടികൂടിയതാണ് കേസില്‍ വഴിത്തിരിവായത്.

അന്വേഷണം അഞ്ച് സംസ്ഥാനങ്ങളില്‍

ഇന്ത്യയിലെ വിവിധ സംസ്ഥാനങ്ങളിലെ പോലീസിന്റെ പിടികിട്ടാപ്പുള്ളിയായ ഉത്തരേന്ത്യന്‍ ഡോണിനെ അന്വേഷിച്ച് കേസന്വേഷിക്കുന്ന പ്രത്യേക അന്വേഷണസംഘം പന്ത്രണ്ട് ദിവസങ്ങള്‍ക്കുള്ളില്‍ സഞ്ചരിച്ചത് 7000 കിലോമീറ്ററുകള്‍. അന്വേഷണം നടത്തിയത് അഞ്ചോളം സംസ്ഥാനങ്ങളില്‍. ഡല്‍്ഹി, ചത്തീസ്ഗഡ്, ഗുജറാത്ത്, രാജസ്ഥാന്‍, ഹരിയാന, എന്നീ സംസ്ഥാനങ്ങളില്‍ ഒളിത്താവളങ്ങളും, വലിയ സംഘങ്ങളുമുള്ള ദീപക് സേത്തിയയെ പന്ത്രണ്ടു ദിവസത്തെ വിവിധ സംസ്ഥാനങ്ങളില്‍ നടത്തിയ നിരന്തരമായ തിരച്ചിലിനൊടുവില്‍ രാജസ്ഥാനില്‍ നിന്നാണ് പിടികൂടുന്നത്.

വിദേശികള്‍ വഴി പണം തട്ടിപ്പ്; ഇന്ത്യയിലെ ചുമതല ഉത്തരേന്ത്യന്‍ ലോബിക്ക്

അറസ്റ്റിലായ രാജസ്ഥാന്‍ സ്വദേശി ദീപക് സേത്തിയയെ ചോദ്യം ചെയ്തതില്‍ നിന്നും ദക്ഷിണാഫ്രിക്ക, കാമറൂണ്‍, നൈജീരിയ, തുടങ്ങിയ രാജ്യങ്ങളില്‍ നിന്നുള്ള വിദേശികളാണ് ഓണ്‍ലൈന്‍ ബാങ്ക് തട്ടിപ്പുകള്‍ നടത്തുന്നതെന്ന് കണ്ടെത്തി. വിദേശികളായ ഓണ്‍ലൈന്‍ തട്ടിപ്പുകാര്‍ വ്യാജമായ കമ്പ്യൂട്ടര്‍ അഡ്രസുകള്‍ ഉപയോഗിച്ച് വിവിധ സ്ഥാപനങ്ങളില്‍ നിന്നും, ബാങ്കുകളില്‍ നിന്നും പണം തട്ടിയെടുത്ത് ഉത്തരേന്ത്യന്‍ ലോബി ഉണ്ടാക്കിയ വ്യാജ ബാങ്ക് അക്കൌണ്ടുകളിലേക്ക് മാറ്റുകയും അവിടെനിന്നും ഹവാല വഴി വിദേശത്തേക്ക് പണം കടത്തുകയും ചെയ്യുന്നു. ഒരു മാസം കോടികളോളം പണമാണ് ഇങ്ങനെ തട്ടിപ്പു നടത്തി വിദേശത്തേക്ക് കടത്തുന്നത്. അറസ്റ്റിലായ ദീപക് സേത്തിയക്ക് വിവിധ സംസ്ഥാനങ്ങളിലായി ഇത്തരത്തില്‍ ഓണ്‍ലൈന്‍ തട്ടിപ്പിനായി ഏകദേശം അമ്പതോളം കേസുകള്‍ നിലവിലുണ്ട്. നിരവധി സംസ്ഥാനങ്ങളില്‍ പിടികിട്ടാപ്പുളളിയാണ് ഇയാള്‍. തൃശൂര്‍ ഈസ്റ്റ് സി.ഐ. കെ.സി. സേതു, എ.എസ്.ഐ. ജോസഫ്, വിനയകുമാര്‍ ഷാഡോ പോലീസ് അംഗമായ സിവില്‍ പോലീസ് ഓഫീസര്‍ ടി.വി .ജീവന്‍, എ.കെ. സിബു, പ്രശോബ്, തൃശൂര്‍ സിറ്റി സൈബര്‍ സെല്ലിലെ സിവില്‍ പോലീസ് ഓഫീസര്‍മാരാായ മിഥുന്‍, ഹരീഷ്, അജിത്, ഹരി എന്നിവരടങ്ങുന്ന അന്വേഷണസംഘമാണ് കേസന്വേഷണം നടത്തിയത്.

ഓണ്‍ലൈന്‍ തട്ടിപ്പിന്റെ വഴികള്‍

തട്ടിപ്പുനടത്തുന്ന സംഘം ആദ്യം ചെയ്യുന്നത് വ്യാജമായി ഉണ്ടാക്കിയ ഐ.ഡി. കാര്‍ഡുകള്‍ ഉപയോഗിച്ച് മുംബൈ, ഡല്‍ഹി, ഗുജറാത്ത്, രാജസ്ഥാന്‍, ഹരിയാന തുടങ്ങിയ സ്ഥലങ്ങളില്‍ ഫ്‌ളാറ്റുകള്‍ വാടകക്ക് എടുക്കുകയും ഈ ഫ്‌ളാറ്റുകളുടെ കരാര്‍ പേപ്പറുകള്‍ ഉപയോഗിച്ച് ആധാര്‍ കാര്‍ഡിലെ അഡ്രസുകള്‍ പുതിയ ഫ്‌ളാറ്റിലെതാക്കി മാറ്റുന്നു. പുതിയ ആധാര്‍ കാര്‍ഡ് ഉപയോഗിച്ച് മൊബൈല്‍ നമ്പറുകള്‍ എടുക്കുകയും, വ്യാജമായി നിര്‍മിച്ച പാന്‍ കാര്‍ഡുകളും, െ്രെഡവിങ് ലൈസന്‍സുകളും ഉപയോഗിച്ച് പുതിയ ഒരു ഇന്‍ഡസ്ട്രിയല്‍ കമ്പനി ഉണ്ടാക്കുന്നു. അതിനുശേഷം വ്യാജമായി ഉണ്ടാക്കിയ കമ്പനിയുടെ പേരില്‍ ബാങ്ക് അക്കൗണ്ടുകള്‍ തുറക്കുന്നു. പിന്നീട് വ്യാജ അക്കൗണ്ടുകളില്‍ ചെറിയ ചെറിയ പണമിടപാടുകള്‍ നടത്തി ബാങ്കിന്റെ വിശ്വാസ്യത നോടിയെടുത്തശേഷം ഇവരുടെ സംഘത്തില്‍ ഉള്‍പ്പെട്ട ആളുകള്‍ വിവിധ ബാങ്കുകളുടേയും, കമ്പനികളുടേയും ബാങ്ക് അക്കൗണ്ടുകളും, മെയിലുകളും ഹാക്ക് ചെയ്യുകയും ഓണ്‍ ലൈന്‍ തട്ടിപ്പിലൂടെ ഇവര്‍ വ്യാജമായി ഉണ്ടാക്കിയ വ്യാജ ബാങ്ക് അക്കൗണ്ടുകളിലേക്ക് തട്ടിയെടുക്കുകയും, പണം പിന്‍വലിച്ച് ഹവാല ഇടപാടുവഴി വിദേശത്തേക്ക് പണം കടത്തുകയും ചെയ്യുന്നു.

Ads by Google
Tuesday 13 Mar 2018 05.32 PM
YOU MAY BE INTERESTED
Ads by Google
Loading...
LATEST NEWS
TRENDING NOW