Thursday, December 13, 2018 Last Updated 25 Min 57 Sec ago English Edition
Todays E paper
Ads by Google
Tuesday 13 Mar 2018 04.23 PM

പരീക്ഷക്കാലത്ത് രുചിച്ച് പഠിക്കാം

''പരീക്ഷക്കാലത്ത് കുട്ടികള്‍ക്ക് പ്രത്യേക ആഹാരക്രമീകരണം ആവശ്യമാണ്. കൂടുതല്‍ സമയം പഠനത്തിനായി ചെലവഴിക്കുന്നതുകൊണ്ട് ധാരാളം ഊര്‍ജം വേണ്ടിവരുന്നു. ഊര്‍ജത്തിന്റെ ഈ അധികവിനിയോഗം കണക്കിലെടുത്ത് ക്ഷീണം ഒഴിവാക്കി ചുറുചുറുക്കോടെ പഠിക്കാന്‍ സഹായിക്കുന്ന പ്രത്യേക പോഷക വിഭവങ്ങള്‍''
uploads/news/2018/03/200078/helthfodscokry130318.jpg

പരീക്ഷാക്കാലം ആരംഭിക്കുന്നതോടെ കുട്ടികളേക്കാള്‍ ടെന്‍ഷന്‍ മാതാപിതാക്കള്‍ക്കാണ്. കുട്ടികളുടെ പഠനകാര്യങ്ങളില്‍ ശ്രദ്ധിക്കുന്നതിനൊപ്പം ആരോഗ്യത്തിലും അല്‍പം കരുതല്‍ നല്‍കാം. പരീക്ഷാക്കാലത്ത് കുട്ടികള്‍ക്ക് നല്‍കാവുന്ന പോഷകപ്രദമായ ഹെല്‍ത്ത് റെസിപ്പികള്‍.

1. ഫ്രൂട്ട് സല്‍സ


കിവി (തൊലി കളഞ്ഞ് അരിഞ്ഞത്) - 2
മാങ്ങ (തൊലി കളഞ്ഞ് അരിഞ്ഞത്)) - 1
പപ്പായ (തൊലി കളഞ്ഞ് അരിഞ്ഞത്) - പകുതി
പുതിന അരിഞ്ഞത് - 2 ടേബിള്‍ സ്പൂണ്‍
ഓറഞ്ച് ജ്യൂസ് - അര കപ്പ്

തയാറാക്കുന്ന വിധം


മുകളില്‍ പറഞ്ഞിരിക്കുന്ന ചേരുവകളെല്ലാം ഒരു വലിയ പാത്രത്തിലേക്ക് ചേര്‍ത്ത് ഒരുമിപ്പിക്കുക. ഒരു മണിക്കൂര്‍ ഫ്രിഡ്ജില്‍ വച്ചശേഷം വിളമ്പാം.
(102 കിലോ കലോറി (എനര്‍ജി), 1 ഗ്രാം പ്രോട്ടീന്‍, 25 ഗ്രാം കാര്‍ബോഹൈഡ്രേറ്റ്, 3ഗ്രാം ഫൈബര്‍, 1 ഗ്രാം കൊഴുപ്പ്)

2. ഓറഞ്ച് യോഗര്‍ട്ട്


കൊഴുപ്പില്ലാത്ത കട്ടതൈര് - 4 കപ്പ്
ഉണക്കമുന്തിരി - കാല്‍കപ്പ്
വാള്‍നട്ട് (അരിഞ്ഞത്) - കാല്‍കപ്പ്
വാനില എക്‌സ്ട്രാക്റ്റ് - ഒന്നര ടീസ്പൂണ്‍
തേന്‍ - കാല്‍ കപ്പ്
ഓറഞ്ച് തൊലി ചുരണ്ടിയത് - 1
ഓറഞ്ച് ജ്യൂസ് - അര - 1 കപ്പ്
ഓറഞ്ച്, ഓറഞ്ചിന്റെ തൊലി ചുരണ്ടിയത്, ഉണക്കമുന്തിരി, വാള്‍നട്ട് - അലങ്കരിക്കാന്‍

തയാറാക്കുന്ന വിധം


ഒരു വലിയ ബൗളിലേക്ക് വൃത്തിയുള്ള ഒരു തുണി വിരിക്കുക. അതിലേക്ക് കട്ട തൈര് ഒഴിക്കുക. തൈര് അരിച്ചിറങ്ങാന്‍ പാകത്തിന് പാത്രത്തിന്റെ അടിഭാഗവുമായി അകലമുണ്ടായിരിക്കണം. ഇത് ഒരു രാത്രി മുഴുവന്‍ അല്ലെങ്കില്‍ മൂന്ന് മണിക്കൂര്‍ നേരം ഫ്രിഡ്ജില്‍ സൂക്ഷിക്കുക. ഇങ്ങനെ കട്ടിയാക്കിയെടുത്ത തൈര് ഒരു പാത്രത്തിലേക്ക് മാറ്റുക. അതിലേക്ക് ഉണക്കമുന്തിരി, വാള്‍നട്ട്, വാനില എക്‌സ്ട്രാക്റ്റ്, തേന്‍, ഓറഞ്ചിന്റെ തൊലി ചുരണ്ടിയത് ഇവ ചേര്‍ത്തിളക്കുക. ഇതിലേക്ക് ഓറഞ്ച് ജ്യൂസും ചേര്‍ത്ത് നേര്‍പ്പിച്ചെടുക്കുക. ഓറഞ്ച്, ഓറഞ്ച് തൊലി, ഉണക്കമുന്തിരി, വാള്‍നട്ട് എന്നിവ ചേര്‍ത്ത് അലങ്കരിക്കാം. (296 കിലോ കലോറി, 12 ഗ്രാം പ്രോട്ടീന്‍, 47 ഗ്രാം കാര്‍ബോഹൈഡ്രേറ്റ്, 1ഗ്രാം ഫൈബര്‍, 75ഗ്രാം കൊഴുപ്പ് )
uploads/news/2018/03/200078/helthfodscokry130318a.jpg

3. സ്‌ട്രോബറി ബോള്‍സ്


പഴുത്ത സ്‌ട്രോബറി - 200 ഗ്രാം
തേങ്ങ ചിരകിയത്- 1 കപ്പ്
ഓട്‌സ്- മുക്കാല്‍ കപ്പ്
വെള്ള എള്ള് - 2 ടേബിള്‍ സ്പൂണ്‍
വെളിച്ചെണ്ണ - 2 ടേബിള്‍ സ്പൂണ്‍
തേങ്ങ ചെറുതായി
ചിരകിയത് - രണ്ടര ടേബിള്‍ സ്പൂണ്‍

തയാറാക്കുന്ന വിധം


സ്‌ട്രോബറി നന്നായി മയമാകുന്നതുവരെ കുഴച്ചെടുക്കുക. അതിലേക്ക് മറ്റ് ചേരുവകള്‍ ചേര്‍ത്ത് നന്നായി യോജിപ്പിക്കുക. ഒരു ടേബിള്‍സ്പൂണ്‍ മിശ്രിതമെടുത്ത് ഉരുട്ടിയെടുക്കുക. തേങ്ങ ചിരകിയതും എള്ളും പുറമെ തൂവി അലങ്കരിച്ചെടുക്കുക. ( 272 കിലോ കലോറി, 13ഗ്രാം പ്രോട്ടീന്‍, 5ഗ്രാം കാര്‍ബോഹൈഡ്രേറ്റ്, 21 ഗ്രാം ഫൈബര്‍, 4.6 ഗ്രാം കൊഴുപ്പ്)

4. റെഡ് ലെന്‍ന്തല്‍ ആന്‍ഡ് കോക്കനട്ട് സൂപ്പ്


തുവരപ്പരിപ്പ് - 100 ഗ്രാം
മഞ്ഞള്‍പൊടി - 1 ടേബിള്‍ സ്പൂണ്‍
ഇഞ്ചി അരിഞ്ഞത്്- 1 ടേബിള്‍ സ്പൂണ്‍
വെളുത്തുള്ളി അരിഞ്ഞത് - 2 അല്ലി
പച്ചക്കറി വെന്ത വെള്ളം
(വെജ് സ്‌റ്റോക്ക്) - 1ലിറ്റര്‍
തേങ്ങാപ്പാല്‍ - 400 മില്ലി
മല്ലിയില അരിഞ്ഞത് - 1ടേബിള്‍ സ്പൂണ്‍
പച്ച ചീര - രണ്ട് കൈ നിറയെ
നാരങ്ങ അരിഞ്ഞത് - 2

തയാറാക്കുന്ന വിധം


ഒരു വലിയ പാനിലേക്ക് പരിപ്പ് ഇടുക. അതിലേക്ക് മഞ്ഞള്‍പൊടി, ഇഞ്ചി, വെളുത്തുള്ളി എന്നിവ ചേര്‍ക്കുക. അതിലേക്ക് പച്ചക്കറി സ്‌റ്റോക്ക് ഒഴിച്ച് അടച്ച് വച്ച് ചെറിയ തീയില്‍ 15 മിനിറ്റ് പരിപ്പ് വേവുന്നതുവരെ വയ്ക്കുക. ഇതിലേക്ക് തേങ്ങാപ്പാലും ചേര്‍ത്ത് ഇളക്കി, മല്ലിയില ചേര്‍ത്ത് 10 മിനിറ്റ് കൂടി വേവിക്കുക. ശേഷം ചീരയില ചേര്‍ത്ത് ഇളക്കി വേവിക്കുക. അതിനുശേഷം ചെറിയ പാത്രത്തിലേക്ക് മാറ്റി നാരങ്ങ നീര് ചേര്‍ത്ത് കഴിക്കാം. (314 കിലോ കലോറി, 10 ഗ്രാം പ്രോട്ടീന്‍, 22 ഗ്രാം കാര്‍ബോഹൈഡ്രേറ്റ്, 6 ഗ്രാം ഫൈബര്‍, 19 ഗ്രാം കൊഴുപ്പ് )
uploads/news/2018/03/200078/helthfodscokry130318c.jpg

5. ഈവ്‌സ് പുഡ്ഡിങ്


ആപ്പിള്‍ - 6 എണ്ണം (ചെറുതായി അരിഞ്ഞത് )
ബട്ടര്‍ - 200 ഗ്രാം
ഉണക്കമുന്തിരി - 140 ഗ്രാം
ബ്രൗണ്‍ ഷുഗര്‍ര്‍- 100 ഗ്രാം
മുട്ട - 4
മൈദ - 200 ഗ്രാം

തയാറാക്കുന്ന വിധം


ഓവന്‍ 180 ഡിഗ്രി സെല്‍ഷ്യസില്‍ ചൂടാക്കിയിടുക. തൊലിയും കുരുവും കളഞ്ഞ ആപ്പിള്‍ നന്നായി ബട്ടര്‍ തേച്ച് വച്ചിരിക്കുന്ന സെര്‍വിങ് ഡിഷിലേക്ക് പകര്‍ത്തുക. അതിനു മുകളിലും ഒരു പ്രാവശ്യം ബട്ടര്‍ പുരട്ടുക. ബട്ടറിനു മുകളില്‍ ഉണക്കമുന്തിരി വിതറുക. മറ്റൊരു ബൗളില്‍ ബാക്കിയുള്ള ബട്ടറും പഞ്ചസാരയും നന്നായി ഇളക്കി യോജിപ്പിക്കുക. അതിലേക്ക് മുട്ട അടിച്ച് ചേര്‍ക്കുക. അതിലേക്ക് അല്‍പം അല്‍പമായി മാവ് ചേര്‍ത്ത് കട്ടപിടിക്കാതെ ഇളക്കുക. ഈ മിശ്രിതം ആപ്പിളിനു മീതെ ചേര്‍ത്ത് 45 മിനിറ്റ് അതായത് ഗോള്‍ഡന്‍ നിറം ആകുന്നതു വരെ ബേക്ക് ചെയ്യുക. കസ്റ്റാഡിനും മീതെ വിളമ്പി നല്‍കാം. ( 607 കിലോ കലോറി, 9 ഗ്രാം പ്രോട്ടീന്‍, 74 ഗ്രാം കാര്‍ബോഹൈഡ്രേറ്റ്, 4 ഗ്രാം ഫൈബര്‍, 33 ഗ്രാം കൊഴുപ്പ്)

6. സണ്‍ഷൈന്‍ സ്മൂത്തി


കാരറ്റ് ജ്യൂസ് (തണുപ്പിച്ചത്) - 500 മില്ലി
പൈനാപ്പിള്‍ (അരിഞ്ഞത്) - 200 ഗ്രാം
പഴം - 2 (വലിയ കഷ്ണങ്ങളായി അരിഞ്ഞത്)
ഇഞ്ചി - ചെറിയ കഷ്ണം
കശുവണ്ടി - 20 ഗ്രാം
നാരങ്ങ ജ്യൂസ് - 1

തയാറാക്കുന്ന വിധം


എല്ലാ ചേരുവകളും ഒന്നിച്ച് ചേര്‍ത്ത് ജൂസറില്‍ അടിച്ച്, തണുപ്പിച്ച് കുടിയ്ക്കാം. ( 171 കിലോ കലോറി, 3 ഗ്രാം പ്രോട്ടീന്‍, 30 ഗ്രാം കാര്‍ബോഹൈഡ്രേറ്റ്, 3 ഗ്രാം ഫൈബര്‍, 4 ഗ്രാം കൊഴുപ്പ്)
uploads/news/2018/03/200078/helthfodscokry130318b.jpg

7. വാമിങ് ചോക്കലേറ്റ് ആന്‍ഡ്


ബനാനാ പൊറിഡ്ജ്
ഓട്ട്‌സ് - 120 ഗ്രാം
കൊക്കോ പൊടി - 4 ടീസ്പൂണ്‍
വാനില എക്‌സ്ട്രാക്റ്റ് - 1 ടീസ്പൂണ്‍
പഴം അരിഞ്ഞത് - 4 എണ്ണം
കട്ട തൈര് - 150 മില്ലി (പുളിപ്പില്ലാത്തത്)
പാല്‍ - ആവശ്യത്തിന്

തയാറാക്കുന്ന വിധം


ഒരു വലിയ പാത്രത്തിലേക്ക് ഓട്ട്്്‌സ്, കൊക്കോ പൊടി, വാനില എക്‌സ്ട്രാക്റ്റ് ഇവ ഒരു ലിറ്റര്‍ വെള്ളത്തിലേക്ക് ഇട്ട് വച്ച് അടച്ച് ഒരു രാത്രി കുതിര്‍ക്കാന്‍ വയ്ക്കുക. പിറ്റേന്ന് രാവിലെ കുതിരാന്‍ വച്ചിരുന്നവ ഒരു സോസ്പാനിലേക്ക് മാറ്റി മീഡിയം തീയില്‍ അഞ്ച് മിനിറ്റ് പാകം ചെയ്യുക. തുടര്‍ച്ചയായി ഇളക്കുക. അരിഞ്ഞുവച്ചിരിക്കുന്ന പഴം ചേര്‍ത്ത് ഓട്ട്‌സ് പാകം ആകുന്നതുവരെ കുക്ക് ചെയ്യുക. സെര്‍വിങ് ബൗളിലേക്ക് ഓട്ട്‌സ് ചേര്‍ത്ത് മുകളിലായി തൈര് വിതറുക. അതിനു മുകളിലേക്ക് പഴം അരിഞ്ഞതും പാലും ചേര്‍ത്ത് കഴിക്കുക. (259 കിലോ കലോറി, 9 ഗ്രാം പ്രോട്ടീന്‍, 42 ഗ്രാം കാര്‍ബോഹൈഡ്രേറ്റ്, 4 ഗ്രാം ഫൈബര്‍, 5 ഗ്രാം കൊഴുപ്പ്)

8. ഇന്ത്യന്‍ സമ്മര്‍ സാലഡ്


കാരറ്റ് - 3 (ചുരണ്ടിയത്)
റാഡിഷ് (മുള്ളങ്കി) - ആവശ്യത്തിന് (കനം കുറച്ച് അരിഞ്ഞത്)
കുക്കുമ്പര്‍ - (കൊത്തിയരിഞ്ഞത്)
സവാള - അര (പൊടിയായി അരിഞ്ഞത്)
പുതിനയില - (തിരുമ്മിയത്)- ഒരു കൈ നിറയെ

ഡ്രെനിങ്ങിന്
വെള്ള വൈന്‍ വിനാഗിരി - 1 ടേബിള്‍ സ്പൂണ്‍
കടുക് പേസ്റ്റ് (തോട് കളഞ്ഞത്) - 1 ടീസ്പൂണ്‍
മയോണേസ് - 1 ടേബിള്‍ സ്പൂണ്‍
ഒലിവ് ഓയില്‍ - 1 ടേബിള്‍ സപൂണ്‍

തയാറാക്കുന്ന വിധം


ഒരു വലിയ പാത്രത്തിലേക്ക് കാരറ്റ് ചുരണ്ടിയതും മുള്ളങ്കി, കത്തിരിക്ക, സവാള എന്നിവ ചേര്‍ത്ത് യോജിപ്പിക്കുക. അതിലേക്ക് പുതിനയില ചേര്‍ത്ത് ഇളക്കുക. വിനാഗിരി, കടുക് അരച്ചത്, മയോണേസ് ചേര്‍ത്ത് അടിച്ചെടുക്കുക. ഇതിലേക്ക് എണ്ണ ചേര്‍ത്ത് ചാലിച്ച് കൊണ്ടുവരിക. അല്‍പം ഉപ്പും കുരുമുളക് പൊടിയും സ്വാദിനായി ചേര്‍ക്കാം. ഇത് സാലഡിലേക്ക് ചേര്‍ത്ത് ഇളക്കി വിളമ്പാം. (79 കിലോ കലോറി, 1 ഗ്രാം പ്രോട്ടീന്‍, 42 ഗ്രാം കാര്‍ബോഹൈഡ്രേറ്റ്, 4 ഗ്രാം ഫൈബര്‍, 5 ഗ്രാം കൊഴുപ്പ്)
uploads/news/2018/03/200078/helthfodscokry130318d.jpg

9. സെസ്റ്റി പോംഗ്രാംനേറ്റ് റൈസ്


പച്ചക്കറികള്‍ വേവിച്ച വെള്ളം - 500 മില്ലി
ബസ്മതി അരി - 250 ഗ്രാം
മാതളനാരങ്ങ - 100 ഗ്രാം/ 120 ഗ്രാം
ജീരകം പൊടിച്ചത് - 1 ടീസ്പൂണ്‍
ബദാംംം - 50 ഗ്രാം (മുറിച്ചത്)
ഓറഞ്ചിന്റെ തൊലി ചുരണ്ടിയത് - 1

തയാറാക്കുന്ന വിധം


കഴുകിയ അരി പച്ചക്കറി വെന്ത വെള്ളത്തിലിട്ട് വേവിക്കുക. വെള്ളം മാറ്റി 5 മിനിറ്റ് ചോറ് മാറ്റി വയ്ക്കുക. ഇതിലേക്ക് മാതളനാരങ്ങ, മല്ലി, ജീരകം, ബദാം, ഓറഞ്ചിന്റെ തൊലി ചുരണ്ടിയത് ചേര്‍ത്ത് ഇളക്കുക. ബാക്കി ബദാം മുകളില്‍ തൂവി വിളമ്പാം. (319 കിലോ കലോറി, 8 ഗ്രാം പ്രോട്ടീന്‍, 57 ഗ്രാം കാര്‍ബോഹൈഡ്രേറ്റ്, 4 ഗ്രാം ഫൈബര്‍, 8 ഗ്രാം കൊഴുപ്പ്)

10. മാങ്കോ ലസ്സി


പഴുത്ത മാമ്പഴം- 3-4 എണ്ണം
കട്ടതൈര് - 500 ഗ്രാം
ഏലയ്ക്ക പൊടിച്ചത് - 2 ടീസ്പൂണ്‍
തേന്‍ - 1 ടേബിള്‍സ്പൂണ്‍
ചെറുനാരങ്ങ (പിഴിഞ്ഞത് ) - 2

തയാറാക്കുന്ന വിധംം


നാരങ്ങനീര് ഒഴികെയുള്ള എല്ലാ ചേരുവകളും ഒരു മിക്‌സി ജാറിലാക്കി നന്നായി അടിച്ച് യോജിപ്പിക്കുക. അതിലേക്ക് നാരങ്ങ നീര്, ഒരു നുള്ള് ഉപ്പും ചേര്‍ത്ത് ഗ്ലാസിലേക്ക് ഒഴിച്ച് ഐസ് ക്യൂബ്‌സ്് ചേര്‍ത്ത് കുടിക്കുക. (131 കിലോ കലോറി, 5 ഗ്രാം പ്രോട്ടീന്‍, 20 ഗ്രാം കാര്‍ബോഹൈഡ്രേറ്റ്, 1 ഗ്രാം ഫൈബര്‍, 3 ഗ്രാം കൊഴുപ്പ്)

ജെസ്‌ലി ജോസഫ്
ഡയറ്റിഷന്‍
മെട്രോമെഡ് ഇന്റര്‍നാഷണല്‍
കാര്‍ഡിയാക് സെന്റര്‍, കോഴിക്കോട്

Ads by Google
Ads by Google
Loading...
TRENDING NOW