Wednesday, October 17, 2018 Last Updated 0 Min 11 Sec ago English Edition
Todays E paper
Ads by Google
Sunday 14 Jan 2018 01.40 AM

സ്‌റ്റീഫന്‍ ഹോക്കിങ്‌ മരിച്ചു?വിവാദവുമായി ചിന്തകര്‍

uploads/news/2018/01/183411/in4.jpg

ഭൗതിക ശാസ്‌ത്രജ്‌ഞനും ചിന്തകനുമായ സ്‌റ്റീഫന്‍ ഹോക്കിങിന്റെ ജീവിതം പുസ്‌തകങ്ങളിലൂടെയും ചലചിത്രങ്ങളിലൂടെയും പുറത്തുവന്നിട്ടുണ്ട്‌്. കഴിഞ്ഞ തിങ്കളാഴ്‌ച 76-ാം ജന്മദിനം ആഘോഷിച്ച ഹോക്കിങിന്റെ ജീവിതവുമായി ബന്ധപ്പെട്ട്‌ പുതിയ വിവാദവുമായി രംഗത്തെത്തിയിരിക്കുകയാണ്‌ ഒരുകൂട്ടം സിദ്ധാന്തകര്‍. യഥാര്‍ഥ ഹോക്കിങ്‌ ദശാബ്‌ദങ്ങള്‍ക്കു മുന്നേ മരിച്ചെന്നും രാഷ്‌ട്രീയക്കാരും ശാസ്‌ത്രജ്‌ഞരും ഒത്തുചേര്‍ന്ന്‌ അപരനെ കണ്ടെത്തിയതാണെന്നും ഇവര്‍ ആരോപിക്കുന്നു.
ഹോക്കിങ്‌ അദ്ദേഹത്തിന്റെ പ്രശസ്‌ത പുസ്‌തകമായ എ ബ്രീഫ്‌ ഹിസ്‌റ്ററി ഓഫ്‌ ടൈം പ്രസിദ്ധീകരിക്കുന്നതിനു മൂന്നുവര്‍ഷം മുമ്പേ 1985 ല്‍ മരിച്ചെന്നാണ്‌ ഇവരുടെ വാദം. ന്യായീകരണത്തിനായി അഞ്ചു കാര്യങ്ങളും നിരത്തുന്നുണ്ട്‌ ഇക്കൂട്ടര്‍.
ബാഹ്യരൂപം: ഇവരുടെ ആദ്യ കണ്ടെത്തല്‍ ഹോക്കിങ്‌സിന്റെ രൂപത്തിലാണ്‌. എ.എല്‍.എസ്‌. എന്ന രോഗമുള്ള വ്യക്‌തി 1982 ല്‍ ഉള്ളതില്‍നിന്ന്‌ 2017 ലും അതേ ചെറുപ്പം നിലനിര്‍ത്തുന്നതെങ്ങനെയെന്നാണ്‌ പ്രഥമ ചോദ്യം. മാത്രല്ല മനുഷ്യന്‍ വളരുമ്പോഴും അവന്റെ ചെവി ഒരിക്കലും വളരുകയില്ലെന്നും കൂടാതെ പല്ലിന്റെ ഘടനയിലും കാര്യമായ വ്യത്യാസം കാണുന്നുണ്ടെന്നും ഇവര്‍ കണ്ടെത്തുന്നു.
അദ്ദേഹത്തിന്റെ അവസ്‌ഥ: എ.എല്‍.എസ്‌. എന്ന രോഗം ബാധിച്ച വ്യക്‌തിയുടെ ജീവിതദൈര്‍ഘ്യം നാലു വര്‍ഷമാണെന്നും എന്നാല്‍ 1963-ല്‍ ഡയഗ്‌നോസിസ്‌ കഴിഞ്ഞ ഹോക്കിങ്‌ 55 വര്‍ഷത്തിനുശേഷം ഇപ്പോഴും ജീവിച്ചിരിക്കുന്നെന്നും ഇവര്‍ ചോദിക്കുന്നു.
കല്ല്യാണ ചിത്രങ്ങള്‍: ആദ്യഭാര്യ ജെയിന്‍ വൈല്‍ഡുമായുള്ള വിവാഹത്തിന്റെ ചിത്രങ്ങള്‍ വളരെ സാധാരണ രീതിയിലുള്ളതായിരുന്നെന്നും തന്റെ നഴ്‌സ്‌ ആയിരുന്ന എലൈന്‍ മാസെണിനെ വിവാഹം ചെയ്യുമ്പോള്‍ സൂഷ്‌മനിരീക്ഷണം നടത്തിയിരുന്നെന്നും വ്യത്യസ്‌തമായ വസ്‌ത്രമാണ്‌ ധരിച്ചിരുന്നതെന്നും ഇവര്‍ കണ്ടെത്തുന്നു.
ശബ്‌ദ സമന്വയം: ഹോക്കിങ്‌ അദ്ദേഹത്തിന്റെ കവിളിലെ മസിലുകള്‍ വിറപ്പിച്ച്‌ സ്‌കാന്‍ ചെയ്‌ത്‌ വാക്കുകള്‍ സൃഷ്‌ടിക്കുകയും ഈ അക്ഷരങ്ങളെ കമ്പ്യൂട്ടറിന്റെ സഹായത്താല്‍ സമന്വയിപ്പിച്ച്‌ ശബ്‌ദങ്ങളാക്കിയുമാണ്‌ സംസാരിക്കുന്നത്‌. ഇതിന്റെ കാര്യത്തിലും ചില സംശയങ്ങള്‍ ഇവര്‍ ഉന്നയിക്കുന്നു.
ഈ വിവാദങ്ങളൊക്കെത്തന്നെയും വിരല്‍ചൂണ്ടുന്നത്‌ ഒരു ചോദ്യത്തിലേക്കു തന്നയാണ്‌ എന്തിന്‌? ഹോക്കിങ്‌സിന്റെ അപരനാടകത്തെക്കുറിച്ച്‌ മെയില്‍ ഓണ്‍ലൈന്‍ എഴുതിയത്‌ സാധാരണക്കാരെ ഭയപ്പെടുത്തുന്നതിനായി ഒരുക്കിയ നാടകമാണിതെന്നാണ്‌.
മനുഷ്യരാശി നൂറുവര്‍ഷമേ ഉണ്ടാവുകയുള്ളൂവെന്നും അന്യഗ്രഹജീവികള്‍ നിലനില്‍ക്കുമെന്നും ഇത്തരക്കാര്‍ അവകാശപ്പെടുന്നു. ഇതിന്റെ ഭാഗമായാണ്‌ കഴിഞ്ഞ പത്തുവര്‍ഷമായി ഹോക്കിങ്‌ ട്രംപിന്‌ എതിരായും സ്‌കോട്ടലന്‍ഡിന്റെ സ്വാതന്ത്രത്തിനെതിരായും ബ്രെക്‌സിറ്റിന്‌ എതിരായും പ്രവര്‍ത്തിക്കുന്നത്‌ എന്നാണ്‌.

Ads by Google
Sunday 14 Jan 2018 01.40 AM
YOU MAY BE INTERESTED
Ads by Google
Loading...
TRENDING NOW