Tuesday, December 18, 2018 Last Updated 4 Min 8 Sec ago English Edition
Todays E paper
Ads by Google
Tuesday 12 Dec 2017 12.31 PM

ഓഖിയോടെ കടലിന്റെ അടിത്തട്ട് പാടേ ഇല്ലാതായി, പൂര്‍വസ്ഥിതി വീണ്ടെടുക്കാന്‍ വേണ്ടത് മാസങ്ങളുടെ കാത്തിരിപ്പ്; കടലിനടിയില്‍ സംഭവിച്ചത് ഞെട്ടിക്കുന്ന മാറ്റങ്ങള്‍

uploads/news/2017/12/173831/okhi11.gif

'ഓഖി' ചുഴലിക്കാറ്റ് ആഞ്ഞുവീശിയിട്ട് ദിവസങ്ങള്‍ പിന്നിട്ടു കഴിഞ്ഞു. കാറ്റുവീശുമെന്നറിയാതെ മത്സ്യബന്ധനത്തിനു പുറപ്പെട്ട മത്സ്യത്തൊഴിലാളികളില്‍ പലരും ഇനിയും തിരിച്ചെത്തിയിട്ടില്ല. ജീവനോടെയും അല്ലാതെയും നിരവധിപ്പേരെ തെരച്ചില്‍ സംഘം കണ്ടെടുത്തു കഴിഞ്ഞു.

എന്നാല്‍, ഈ രക്ഷാ പ്രവര്‍ത്തനം കരയിലുള്ളവര്‍ക്കു മാത്രം പോരായെന്നും കടലിനും വേണമെന്ന വാദമാണ് ദിവസങ്ങളായി ഉയര്‍ന്നു കേള്‍ക്കുന്നത്. ഓഖിയ്ക്ക് മുന്‍പ് ഉണ്ടായിരുന്ന ജൈവസമ്പുഷ്ടമായ കടലിന്റെ അടിത്തട്ട് പാടേ ഇല്ലാതായെന്ന റിപ്പോര്‍ട്ടുകളാണ് പുറത്തു വന്നുകൊണ്ടിരിക്കുന്നത്. കടല്‍ പൂര്‍വ സ്ഥിതി വീണ്ടെടുക്കാന്‍ മാസങ്ങളുടെ കാത്തിരിപ്പ് വേണ്ടി വരുമെന്നാണ് വിദഗ്ധര്‍ ചൂണ്ടിക്കാട്ടുന്നത്.

കടലിന്റെ അടിത്തട്ടില്‍ ഭീമമായ പരിസ്ഥിതി നാശം സംഭവിച്ചത് തെളിയിക്കുന്ന ഫോട്ടോകളും വീഡിയോകളുമാണ് കോവളത്തെ അണ്ടര്‍ വാട്ടര്‍ അഡ്വഞ്ചറസ് ഗ്രൂപ്പായ ബോണ്ട് ഏഷ്യന്‍ പഫാരി പകര്‍ത്തിയ ചിത്രങ്ങളിലൂടെയാണ് ഓഖിയ്ക്ക് ശേഷമുള്ള തിരുവനന്തപുരം മേഖലയിലെ കടലിനെ ജനങ്ങള്‍ അറിഞ്ഞത്.

കടലിനടിയില്‍ ഉണ്ടായിരിക്കുന്ന ഈ മാറ്റം മത്സ്യത്തൊഴിലാളികളുടെ ഉപജീവനത്തെ ബാധിക്കുമെന്നും ആ മേഖലയിലുള്ളവര്‍ ചൂണ്ടിക്കാട്ടുന്നു. അടിത്തട്ടിലെ ഇളക്കവും കടലിന്റെ കലങ്ങി മറിയലും പ്രധാനമായും ബാധിക്കുക കടലിലെ ഭക്ഷ്യശൃംഖലയെയാണ്.

സൂക്ഷ്മസസ്യങ്ങളെയും മറ്റും ആശ്രയിച്ച് കഴിയുന്ന മത്സ്യവ്യൂഹങ്ങളുണ്ട്. അവയ്ക്കുണ്ടാകുന്ന ഭക്ഷ്യക്ഷാമം അവയുടെ പ്രത്യുല്‍പ്പാദനത്തെ ബാധിക്കും. എന്നാല്‍ വേനല്‍ക്കാലം കൂടി വരുന്നതിനാല്‍ വളരെ പെട്ടെന്ന് തന്നെ കടലില്‍ സൂക്ഷ്മസസ്യങ്ങള്‍ പെരുകാനിടയുണ്ട്. സൂക്ഷ്മ സസ്യങ്ങള്‍ കൂടുന്നത് ചില മത്സ്യങ്ങളുടെ ഉത്പാദനക്ഷമത വര്‍ധിപ്പിക്കും. മണ്‍സൂണില്‍ ഉണ്ടായിരിക്കുന്നതാണ് ഇപ്പോള്‍ നവംബര്‍ മാസത്തിലുണ്ടായിരിക്കുന്നത്. അത് മത്തി, അയല തുടങ്ങിയ ഉപരിതല മത്സ്യങ്ങളുടെ വര്‍ധനവിന് കാരണമാവും.

രണ്ട് മാസങ്ങള്‍ക്ക് ശേഷം അങ്ങനെയൊരു അവസ്ഥയുണ്ടായി വരും. മണ്‍സൂണ്‍ കാലത്ത് അപ്‌വെല്ലിങ് സംഭവിച്ച് അടിത്തിട്ടളകി മുകളിലേക്ക് വരുന്നതുകൊണ്ടാണ് വെള്ളത്തില്‍ മൂലകങ്ങളും പോഷകങ്ങളും വര്‍ധിക്കുന്നത്. മൂലകങ്ങള്‍ വര്‍ധിച്ചാല്‍ ഉടന്‍ സൂക്ഷ്മസസ്യങ്ങളും പെരുകും. സൂക്ഷ്മസസ്യങ്ങള്‍ മത്സ്യങ്ങള്‍ക്ക് പ്രയോജനം ചെയ്യും. പക്ഷെ അടിത്തട്ടിലുള്ള മത്സ്യങ്ങള്‍ക്ക് ഭക്ഷണത്തിന് പ്രയാസമുണ്ടാവും. വളരെപ്പെട്ടെന്നുള്ള ഫലം നോക്കിയാല്‍ മത്സ്യസമ്പത്ത് കുറയും, പക്ഷെ മാസങ്ങള്‍ക്കുള്ളില്‍ തന്നെ ഉപരിതല മത്സ്യങ്ങള്‍ കൂടുകയും ചെയ്യും.

Ads by Google
Ads by Google
Loading...
LATEST NEWS
TRENDING NOW