Tuesday, August 21, 2018 Last Updated 0 Min 51 Sec ago English Edition
Todays E paper
Ads by Google
Thursday 12 Oct 2017 05.30 PM

കെപിസിസി ഭാരവാഹി പട്ടികയായി: സ്ത്രീകള്‍ക്കും യുവാക്കള്‍ക്കും ദളിതര്‍ക്കും അര്‍ഹമായ പ്രാതിനിധ്യമില്ല

KPCC office bearers

തിരുവനന്തപുരം: യുവാക്കളെയും വനിതകളേയും പേരിന് മാത്രം ഉള്‍പ്പെടുത്തി കെപിസിസി ഭാരവാഹി പട്ടിക തയ്യാറാക്കി. വനിതകള്‍ക്കും യുവാക്കള്‍ക്കും പ്രത്യേക പ്രാധിനിത്യം നല്‍കണമെന്ന ഹൈക്കമാന്റ് നിര്‍ദേശം പാടെ അവഗണിച്ചാണ് പട്ടിക തയ്യാറാക്കിയിട്ടുള്ളത്. മുതിര്‍ന്ന കോണ്‍ഗ്രസ് നേതാവ് രാജ്‌മോഹന്‍ ഉണ്ണിത്താനെയും ഒഴിവാക്കിയിട്ടുണ്ട്. ഇത് മുരളീധരനുമായുണ്ടായ പ്രശ്‌നങ്ങളുടെ പശ്ചാതലത്തിലാണെന്ന് സൂചനയുണ്ട്. രാഷ്ട്രീയത്തില്‍നിന്നും വിട്ടുനില്‍ക്കുന്ന വക്കം പുരുഷോത്തമനേയും ഒഴിവാക്കിയിട്ടുണ്ട്. എന്നാല്‍ മുതിര്‍ന്ന നേതാക്കളായ കെ ശങ്കരനാരായണന്‍, എംഎം ജേക്കബ് തുടങ്ങിയവര്‍ പുതിയ പട്ടികയില്‍ ഇടം നേടി. 282പേരുടെ പട്ടിക തയ്യാറാക്കിയതില്‍ 18 വനിതകളെ മാത്രമാണ് ഉള്‍പ്പെടുത്തിയിട്ടുള്ളത്. പട്ടികജാതി, പട്ടിക വര്‍ഗത്തില്‍നിന്ന് കേവലം 10 പേരാണ് പട്ടികയില്‍ ഇടം നേടിയത്. വിപുലമായ പട്ടികയില്‍ പുതുമുഖങ്ങളായി വന്ന 10 പേരും 60 വയസ്സിന് മുകളിലുള്ളവരാണ്.

ഗ്രൂപ്പുകളില്‍, എ ഗ്രൂപ്പിനാണ് പട്ടികയില്‍ കൂടുതല്‍ പ്രാധിനിത്യം ലഭിച്ചിട്ടുള്ളത്. ഐ ഗ്രൂപ്പിനേക്കാള്‍ 22 പേരെ എ ഗ്രൂപ്പിന് ഉള്‍പ്പെടുത്താന്‍ കഴിഞ്ഞിട്ടുണ്ട്. എന്നാല്‍ കെപിസിസി തയ്യാറാക്കിയ പട്ടിക ഹൈക്കമാന്റ് തള്ളിക്കയനാണ് സാധ്യത. യുവാക്കളേയും വനിതളേയും അവഗണിച്ച റിപ്പോര്‍ട്ടായതിനാല്‍ രാഹുല്‍ഗാന്ധി സ്വീകരിക്കാന്‍ സാധ്യതയില്ലെന്ന് ഡല്‍ഹി വൃത്തങ്ങള്‍ സൂചന നല്‍കി. എംപിമാര്‍ നിര്‍ദേശിച്ച പേരുകള്‍ സംസ്ഥാന നേതൃത്വം വെട്ടിയതായും ആക്ഷേപമുണ്ട്..

ഭാരവാഹി പട്ടികയെ കുറിച്ച് സംസാരിക്കാന്‍ പ്രതിപക്ഷ നേതാവ് ഇന്ന് രാഹുല്‍ ഗാന്ധിയെ കാണും. ഗുജറാത്ത് നിയമസഭാ പ്രചരണം നിര്‍ത്തി മടങ്ങിയെത്തുന്ന രാഹുല്‍ ഗാന്ധി കേരളത്തിന്റെ വിശയങ്ങള്‍ ഇന്ന് പരിശോധിച്ചേക്കും. സോളാര്‍ വിവാദം കത്തിനില്‍ക്കുന്ന സമയത്ത് ഹൈക്കമാന്റ് നിര്‍ദേശങ്ങള്‍ അവഗണിച്ച് തയ്യാറാക്കിയ പട്ടിക ദേശീയ നേതൃത്വം എങ്ങനെ പരിഗണിക്കുമെന്ന ആശങ്കയിലാണ് സംസ്ഥാന നേതൃത്വം

Ads by Google
Thursday 12 Oct 2017 05.30 PM
YOU MAY BE INTERESTED
Ads by Google
Loading...
LATEST NEWS
TRENDING NOW