Sunday, October 22, 2017 Last Updated 0 Min 5 Sec ago English Edition
Todays E paper
Ads by Google
Thursday 12 Oct 2017 04.55 PM

വൈറ്റ് വിഡോ സാലി ജോണ്‍സ്, ഐസിസിലേക്ക് യുവാക്കളെ ആകര്‍ഷിച്ച് റിക്രൂട്ട് ചെയ്തിരുന്ന ആ സ്ത്രീ കൊല്ലപ്പെട്ടു, നാല് കൊല്ലം മുമ്പ് ഇവര്‍ സിറിയയ്ക്ക് പോയത് കുഞ്ഞുമായി

uploads/news/2017/10/154986/white-widwww.gif

ഏതാനും വര്‍ഷങ്ങളായി തീര തലവേദന സൃഷ്ടിച്ച് കൊണ്ടിരുന്ന വൈറ്റ് വിഡോ സാലി ജോണ്‍സ് യുഎസ് സിറിയയില്‍ നടത്തിയ ഡ്രോണ്‍ ആക്രമണത്തില്‍ കൊല്ലപ്പെട്ടുവെന്ന് റിപ്പോര്‍ട്ട്. കഴിഞ്ഞ ദിവസം ഇറാഖ്സിറിയ അതിര്‍ത്തിയില്‍ അമേരിക്ക നടത്തിയ ഡ്രോണ്‍ ആക്രമണത്തിലാണ് സാലി കൊല്ലപ്പെട്ടിരിക്കുന്നതെന്നാണ് സൂചന. സിറിയന്‍ അതിര്‍ത്തിയിലുള്ള താവളമായ മായാഡിന്നിലേക്ക് പലായനം ചെയ്യാന്‍ ശ്രമിക്കവെയാണ് സാലി കൊല്ലപ്പെട്ടിരിക്കുന്നതെന്നും റിപ്പോര്‍ട്ടുണ്ട്. കഴിഞ്ഞ ജൂണിലാണ് 50 കാരിയായ ഈ സ്ത്രീ ഡ്രോണ്‍ ആക്രമണത്തില്‍ കൊല്ലപ്പെട്ടിരിക്കുന്നതെന്നാണ് സിഐഎ വെളിപ്പെടുത്തുന്നത്. സാലിയുടെ 12 കാരന്‍ മകനെക്കുറിച്ച് വിവരമൊന്നും ലഭിച്ചിട്ടില്ല. നാല് കൊല്ലം മുമ്പ് കുഞ്ഞുമായി സിറിയയ്ക്ക് പോയ ജിഹാദിയാണ് സാലി. തുടര്‍ന്ന് ഐസിസിന്റെ ഉന്നത റിക്രൂട്ടറായി മാറുകയും ഓണ്‍ലൈനിലൂടെ ജിഹാദി ആശയങ്ങള്‍ പ്രചരിപ്പിച്ചായിരുന്നു പ്രധാനമായും സാലി ചെറുപ്പക്കാരെ ഐസിസിലേക്ക് ആകര്‍ഷിച്ചെത്തിച്ചിരുന്നത്.

21കാരനായ ഐസിസ് ഭീകരന്‍ ജുനൈദ് ഹുസൈനെ വിവാഹം ചെയ്തതിന് ശേഷമാണ് കെന്റിലെ ചാത്തമിലുള്ള കുടുംബത്തെ ഉപേക്ഷിച്ച് പെന്റ് റോക്കറായിരുന്നു സാലി 2013ല്‍ സിറിയിലേക്ക് കടന്നിരുന്നത്. എന്നാല്‍ 2016ല്‍ ഈ സ്ത്രീയുടെ ഭര്‍ത്താവ് ഹുസൈന്‍ ഡ്രോണ്‍ ആക്രമണത്തില്‍ കൊല്ലപ്പെട്ടിരുന്നു. തുടര്‍ന്ന് ഹുസൈന്‍ അല്‍ ബ്രിട്ടാനി എന്ന പേരില്‍ സാലി ഐസിസിലേക്ക് ബ്രിട്ടീഷ് യുവാക്കളെ ആകര്‍ഷിച്ച് റിക്രൂട്ട് ചെയ്തിരുന്നു. ഈ സ്ത്രീയുടെ ബ്രിട്ടീഷുകാരനായ 12 വയസുള്ള മകന്‍ ഐസിസിന്റെ ചൈല്‍ഡ് ഫൈറ്ററായി പ്രവര്‍ത്തിക്കുന്നുവെന്ന റിപ്പോര്‍ട്ടും പുറത്ത് വന്നിരുന്നു. പട്ടാളക്കാരെ കൊല്ലാനാണ് ഈ ബാലനെ നിയോഗിച്ചിരിക്കുന്നതെന്നും സൂചനയുണ്ട്. അബു അബ്ദുള്ളാ അല്‍ബ്രിട്ടാനി എന്ന പേരിലാണീ ബാലന്‍ പ്രവര്‍ത്തിച്ചിരുന്നത്.

12 കാരനായ സാലിയുടെ മകനും സ്ഫോടനത്തില്‍ മരിച്ചുവെന്നാണ് കണക്ക് കൂട്ടുന്നത്. എന്നാല്‍ ഇത് ഇനിയും സ്ഥിരീകരിച്ചിട്ടില്ല. ഐസിസ് ക്യാമ്പിലെ ദുരവസ്ഥകളില്‍ മനം മടുത്ത് സാലി റാഖയില്‍ നിന്നും ബ്രിട്ടനിലേക്ക് തിരിച്ച് വരാന്‍ ആഗ്രഹിക്കുന്നുവെന്ന തരത്തിലുള്ള റിപ്പോര്‍ട്ടുകള്‍ ഇതിന് മുമ്പ് പുറത്ത് വന്നിരുന്നു. ഡസന്‍ കണക്കിന് തീവ്രവാദ ആക്രമണങ്ങളുടെ ബുദ്ധിയായി പ്രവര്‍ത്തിച്ചതിനാല്‍ സാലിയെ പെന്റണ്‍ ഉയര്‍ന്ന മുന്‍ഗണനയുള്ള കില്‍ ലിസ്റ്റിലാണ് പെടുത്തിയിരുന്നത്.

Ads by Google
Advertisement
Thursday 12 Oct 2017 04.55 PM
YOU MAY BE INTERESTED
Ads by Google
Ads by Google
TRENDING NOW